• youuinsttaaffccbb
TEST
Lajme

Pas kritikave për kopertinën e Kamala Harris, flet Anna Wintour

Kopertina e “Vogue” me në qender zëvendës presidenten e parë grua në SHBA, Kamala Harris, ngjalli shumë debat. Një ndër arsyet ishte veshja e Kamalas, e cila shfaqej me kostum të zi dhe atlete të tipit ‘converse’.

Në një deklaratë për mediat, Anna Wintour i doli në mbështetje zëvendës presidentes dhe theksoi se stafi i saj zgjodhi pikërisht foton që dukej më pak formale, pasi përshtatet edhe me gjendjen aktuale.

“Kemi dëgjuar mbi reagimin që ka patur kopertina dhe dua të them se nuk kishim si qëllim të zbehnim rëndësinë e fitores së zëvendës presidentes. Kur dy fotot mbërritën në Vogue, të gjithë ne ndjemë se portreti më pak formal i zëvendës presidentes do të reflektonte momentin që që po jetojmë”-tha Wintour për “New York Times”.

Wintour shtoi se ndjeu që fotoja ishte “shumë, shumë e arrirë”.

Përpara zhurmës që u bë në rrjet, Wintour kishte thënë për “New York Times”: “Mendoj se të gjithë kanë për ta parë këtë kopertinë me sy pozitiv”. Por në fakt nuk ndodh kështu!