• youuinsttaaffccbb
TEST
Breaking News, Instant Articles, Lajme

Me pamjet nga “Gjeniu i vogël” kur ishte vetëm 11 vjeç, Xhensila Myrtezaj i jep përgjigje të gjithë atyre që e akuzojnë për operacione plastike

Këngëtarja e njohur, Xhensila Myrtezaj, është kthyer pas në kohë kur ishte fare e vogël. Ajo ka kujtuar momentet kur filloi gjithçka në skenën e “Gjeniut të Vogël”.

Xhensila ka publikuar në rrjete sociale momente nga paraqitja e saj e parë në moshën 11- vjeçare, krah Alketa Vejsiut që moderonte programin në atë kohë. Mes rreshtash ajo ka emocionuar me fjalët, por ka dhënë edhe një përgjigje për ata skeptikë që e akuzojnë për operacione plastike. Në fakt vlen të theksohet se Xhensila përveç talentit, ka rënë në sy për bukurinë dhe ëmbëlsinë e saj që në daljet e saj të para në skenē.

Më poshtë mund të lexoni shkrimin e poshtë.

View this post on Instagram

Jeta është e bukur dhe kur them këtë nuk harroj të përfshij sakrificat. Nuk kam kujtime të kapura nga aparati fotografik nga periudha e fëmijërisë sepse nuk jam rritur në një familje me mundësi për të më shkrepur foto. Imazhet e mia të para janë ato që dokumentojnë dashurinë time për muzikën, imazhe nga emisionet ku kam marrë pjesë. Kamera më ka njohur si këngëtare dhe sot më shërben si mjet i një lufte që ashtu si çdo luftë, është e padrejtë… Fytyra dhe trupi im në moshën e këtij momenti pranë Alketa Vejsiut, janë po aq të paprekura nga operacionet plastike sa sot. Kam trokitur në parukeri e në palestër dhe kam dalë entuziaste për reagimin e publikut, publikun që dua ta mbush me dashurinë time. Megjithatë njerëzit kanë hedhur në erë çdo derë shpifjeje dhe unë nuk kam reaguar. Ndërkohë jam njeri dhe jam njeri publik por kjo nuk i jep të drejtën askujt që të vjellë mbi imazhin tim (e të askujt) mërzitjet dhe mllefet personale. Shumë e shohin imazhin e Xhensilës nga kamera por Xhensilën kur kamerat fiken e njohin vetëm të afërmit dhe miqtë. Kam respekt për skepticizmin, kam respekt për pyetjet e sinqerta por nuk kam respekt për fenomenin e shpifjes pa masë vetëm sepse përtohet që të vëzhgohet përpara se të flitet. Mund të shkruaj më shumë por në fund të ditës, unë mbi të gjitha flas me ata që më njohin pa bërë fjalime: me Zotin dhe me njerëzit që më duan. Këtë postim dua ta mbyll duke ndarë dhe dy gjëra të tjera; dua të ndaj krenarinë për rrugëtimin e kësaj vajzës që i shkëlqenin sytë nga lumturia e atij momenti dhe të ndaj me fansat e mi mallin për t’ju kthyer skenës sapo muzikës t’i jepet sërish hapësirë. ♥️ #gjeniuivogel

A post shared by Xhensila Myrtezaj (@xhensilamyrtezaj) on