• youuinsttaaffccbb
TEST
Who VIP

Kur VIP-at shqiptarë dështojnë me photoshop-in

Duket pak e çuditshme që në vitin 2015 photoshop-i vazhdon të bie në sy për keqpërdorim, duke bërë kështu lajm për një pjesë të mirë të VIP-ave . Si duket përdorimi i shpeshtë i tyre ka bërë që njëherë në kaq edhe të gabojnë. Por fansat kanë qenë symprehtë, ndaj dhe fotot ku është abuzuar me photoshop-in nuk kanë kaluar pa u komentuar.

Revista Anabel ka bërë një klasifikim të dështimeve më të bujshme përgjatë 2015-ës që të famshmet tona kanë bërë me photoshop-in.

Luana Vjollca

Luana-Vjollca1

Bashkë-moderatorja e ‘Pa Limit’ në “Top Channel” është përballuar me kritikat e fansave për një nga foto e realizuara në një set fotografish për një nga revistat shqiptare. Menjëherë sapo fotoja është hedhur në Instagramin e saj, ndjekësit e shumtë kanë spikatur se sandalen e majtë, Luanës nuk i duken gishtat e këmbës. Të jetë si pasojë e photoshop-it apo e reflektimit të sandales.

Aurela Hoxha

Aurela-Hoxha1

Modelja shqiptare Aurela Hoxha këtë verë në një nga shumë fotot e publikuara në rrjetin social Instagram u akuzua për përdorimin e photoshop-it. Fansat e kanë kritikuar Aurelën se në përpjekje për të lakuar belin dhe zmadhuar të pasmet, ajo ka deformuar bordurën e pishinës, personin dhe pallatet që gjendeshin pas saj.

Enca Haxhia

Enca-Haxhia

Kjo është një ndër fotot më të përfolura të këngëtares së re, Enca Haxhia, e cila në fillim të nëntorit publikoi linjat e saj trupore, veshur me një palë bikini ekstravagante ngjyrë blu. Kjo foto nxiti menjëherë reagimin e fansave të shumtë të këngëtares që përpos ofendimeve që hodhën ndaj saj, e akuzuan se kishte përdorur photoshop në përpjekje për të ndryshuar format e saj të kolme trupore. Megjithatë Enca, duket se nuk e vrau mendjen për komentet e shumta!

Fjolla Morina

Fjolla-Morina4

Edhe shoegirl-i nga Kosova nuk i ka shpëtuar akuzave për përdorimin e photoshop-it në fotot e saj. Fjolla në një nga fotot e postuara pak javë më parë duket se nuk ka parë me vëmendje se në përpjekje për të holluar belin dhe këmbët e saj, ka shtrembëruar parketin e dyshemesë. Kritikat e menjëhershme të fansave e kanë detyruar Fjollën të fshijë foton nga Instagrami.

Albana Osmani

Albana-Osmani

Moderatorja e ‘Top Channel’ do të publikonte një foto të shkrepur në ambientet e palestrës, të cilën pak minuta më vonë do ta fshinte nga llogaria e saj në Instagram. Albana ka rënë pre e akuzave për përdorimin e photoshop-it në foto pasi sipas ndjekësve ka holluar belin e saj më shumë seç duhet, nëse e krahasojmë me shpatullat. Nuk dihet nëse kanë qenë këto kritika që e kanë bërë atë të fshijë foto apo ka qenë thjesht ndryshim mendjeje. Pavarësisht kësaj, vlen të thuhet se Albana në fakt gëzon një bel të hollë dhe ka pohuar për Anabel.al se përmasa e belit të saj është 58 centimetër.

Olta Gixhari

Olta-Gixhari-1

Në korrik të këtij viti, Olta Gixhari ra pre e kritikave të fansave për ekzagjerim me photoshop-in. Në një nga imazhet e publikuara nga aktorja shqiptare, ndjekësit e saj spikatën që një pjesë e makinës në sfond shfaqet dy herë në krahun e saj të djathtë, gjë që i ka bërë ata të mendojnë se kjo ka ndodhur për shkak të përpunimit të fotos.