• youuinsttaaffccbb
TEST
Breaking News, Lajme

Emocionon Celine Dion, me një detaj ju kujton të gjithëve filmin “Titanic”

Kur vjen puna tek stili dhe moda mund të themi se Celine Dion është ndër artistet që i kushton më shumë rëndësi kësaj pjese. Në çdo dalje të saj publike këngëtarja 51-vjeçare arrin të tërheqë vëmendjen e të gjithëve me veshjen apo detajet në ‘look’. Së fundmi Celine u ka kujtuar të gjithëve një nga filmat më të ndjekur të kohërave, “Titanic”. Këngëtarja u shfaq në javën e modës në Paris veshur me një fund të shkurtër, bluzë dhe xhaketë të thjeshtë. Ajo çfarë të gjithë kapën në pamjen e Celine ishte varësja e saj në formë zemre dhe diamant në ngjyrë blu e “Titanic”.

Për të gjithë ata që nuk mund ta kujtojnë, kjo varëse quhet zemra e shenjtë e oqeanit dhe është pjesë e filmit të njohur. Në “Titanic” Cal i dhuron të fejuarës së tij Rose këtë varëse që cilësohet si një nga detajet më të rëndësishme të filmit. Pavarësisht se nga realizimi i filmit kanë kaluar shumë vite, Celine provoi se varësja vazhdon të mbetet një trend. Kujtojmë se Celine Dion u bë pjesë e filmit “Titanic” me këngën ikonike “My heart will go on”. /revistawho.com