Jeta e Mbretëreshës Elizabeth u vendos në rrezik në Kështjellën Windsor, gjatë ditës së Krishtlindjes. Autoritetet arrestuan një adoleshent, i cili synonte të vriste mbretëreshën me një hark dhe shtizë.
Madje, për këtë kishte publikuar dhe një video, të siguruar nga gazeta “The Sun”, në të cilën shfaqet një person i maskuar duke thënë se dëshiron “të vrasë Mbretëreshën”, në një mision “hakmarrjeje”.
Policia britanike konfirmoi se hetuesit po “shqyrtojnë përmbajtjen e materialit filmik” pas arrestimit të një 19-vjeçari nga Southampton.
Pallati Buckingham ka refuzuar të komentojë incidentin./revistawho.com