• youuinsttaaffccbb
TEST
Instant Articles, Jetë, Lajme

Asnjëherë mos ia thoni shefit këto gjëra

Sinqeriteti është politika më e mirë në vend të punës, mirëpo si çdo rregull tjetër, edhe kjo i ka përjashtimet e vetja. Është e rëndësishme të jeni të kujdesshëm me gjërat që ia thoni shefit, pasi që edhe gabimi më i vogël mund t’ju kushtojë karrierën. Nëse keni për t’i thënë diçka shefit por mendoni se pasi që t’i thoni do të pendoheni, atëherë me siguri që do të pendoheni. Përveç ofendimeve dhe sharjeve, këto janë disa fjalë dhe fraza tjera që asnjëherë nuk duhet t’ia thoni shefit.

“E ke gabim”

Kritika e hapur ndaj shefit është mënyrë e sigurt për të siguruar përjashtimin në mbledhjet e ardhshme. Nëse mendoni se shefi juaj ka bërë ndonjë gabim, ka mënyra më të mira për t’iu adresuar sesa kjo.

“Nuk mundem”

Gjithmonë duhet të mbani qëndrim pozitiv dhe të deklaroni se mund t’i bëni të gjitha detyrat, pasi që kjo sjellje është trajtë e vlerësuar mirë. “Nuk mundem” tregon mungesë të vetëbesimit dhe mungesë të vullnetit për të punuar, gjëra të cilat nuk shkojnë në favorin tuaj.

“Nuk është pjesë e punës time”

Asnjë përshkrim i punës nuk e tregon plotësisht të vërtetën, prandaj mos pritni që në punën tuaj do të bëni vetëm atë që jua kanë thënë. Nëse deklaroni se nuk do të punoni përtej detyrave tuaja, kjo tregon se jeni pengesë drejt rrugës së suksesit të kompanisë.

“Nuk e di”

Ju mund të mos e keni përgjigjen për çdo pyetje, mirëpo mund të përpiqeni ta gjeni atë, pasi që kjo është më mirë sesa rrudhja e krahëve, transmeton telegrafi. Përndryshe, nëse thoni se nuk dini të bëni diçka të caktuar, shefi juaj çdo herë do të supozoj që nuk mund të dini edhe gjëra tjera./revistawho.com