close

Receta e Shefit

RECETAT E SHEFIT – Sallatë me mjaltë, shegë dhe mollë – Nga Renato Mekolli

sallataaa

Përshëndetje të dashur miq të “RevistaWho.Com”!

Është e habitshme kur mendon se si ndryshojnë kohët… Dikur na dukej e pakuptimtë që një sallatë të kripur ta shoqëronim me fruta. Por kohët evoluojnë dhe arti i gatimit është zhvilluar me të njëjtat hapa.  Fruta, perime, djath, mjalt, arra, stika e shumë të tjera të gjitha në një pjatë. Gjyshja ime as që do ta kishte imagjinuar të realizonte një kombinim të tillë. Por këto përbërës jo vetëm që shkojnë me njëri–tjetrin, por janë kaq shumë të dashuruar saqë tashmë nuk do të mund të ndahen kurrë dhe jo vetëm për bukurinë, por edhe për vlerat ushqyese që mbartin.

Një sallatë për vjeshtën dhe dimrin, me plot shije. E shpejtë dhe plot fantazi.

PËRBËRËSIT (për 4 persona):

1 qeskë sallatë miks, 1 mollë, 1 shegë, 1 dardhë, 1 portokall, 1 limon, 100 gr djath kaçkavall, 50 ml vaj ulliri, 1 tufë koper, 1 tufë majdanoz, kripë (sipas dëshirës), piper, 1 grusht arra, 1 grusht stika të pjekura, pak mjaltë.

PËRGATITJA:

Pasi kemi larë mirë frutat dhe sallatën, i lëmë të kullojnë dhe më pas presim frutat në kube. I vendosim në një enë së bashku me sallatën e ndarë me duar (sugjerohet që sallata të ndahet me duar, që të mos humbasë vlerat ushqyese si dhe përgatitet për t’u hedhur e fundit). I bashkojmë me kujdes të gjitha asortimentet, duke vendosur në fund mjaltin, majdanozin, kripën, piperin, si dhe djathin. I përziejmë dhe një herë të fundit dhe sallata është gati tashmë. Nuk më mbetet veçse t’ju uroj: Ju bëftë mirë!

Shënim: Fotot janë të zgjedhura nga redaksia.

lexo më shumë

RECETAT E SHEFIT – Sallatë me fruta dhe sorbeto limoni – Nga Renato Mekolli

14445562_10207355727714731_842121058_n

PËRBËRËSIT:

Shalqi, pjepër, kajsi, kumbulla, pjeshkë, mango, luleshtrydhe, portokall.

(Frutat që do të bëhen pjesë e kësaj recete, duhe të jenë të prerë në kube të vegjël dhe sasia e tyre të jetë e barabartë).

10 gjethe mente ose mendëz të prerë hollë, 50 ml lëng qershie, 50 gr sheqer, 100 ml uji.

PËRGATITJA:

Bëjmë bashkë ujin, lëngun e qershisë, menten dhe sheqerin. I japim një zierje të shpejtë sa të shkrihet sheqeri. Më pas e lëmë të ftohet shumë mirë në frigorifer.

Pasi kemi prerë dhe trazuar frutat i vendosim në nje enë, dhe aty shtojmë edhe shurupin qe kemi përgatitur.

E lëm sallatën per 10 minuta në frigorifer të marinohet mirë dhe më pas e servirim sipas dëshirës në pjata ose gota.

Sipër sallatës pak sorbeto limoni, ose limë dhe portokall, në varësi të shijes suaj.

Sorbetoja barazon ëmbëlsinë e frutave dhe të shurupit, gjë që e bën sallatën edhe më të veçantë dhe më të shijshme.

Ju bëftë mirë!

lexo më shumë

RECETAT E SHEFIT – Biskota me çfarë të keni në shtëpi – Nga Renato Mekolli

Triple-Chocolate-Fudge-Cookies-by-Five-Heart-Home_700pxZoom

Këto biskota janë tepër të shijshme. Shpeshherë në shtëpi, sidomos fundjavave (kur kemi gatuar gjatë javës), na teprojnë disa përbërës, të cilët janë pak për një gatim të ri. Dhe ajo që kam menduar dhe e bëj gjithmonë në shtëpi janë këto biskota, më çfarë na tepron. Do t’i provoni dhe do të më kujtoni! Vetëm kini kujdes që çdo gjë që do të vendosni ne këtë recetë të mos e kalojë masën e 150 gramë.

PËRBËRËSIT:

150 gr gjalp pa kripë, 100 gr sheqer, 150 gr sheqer i zi, 1 vezë të madhe, pak fare kripë, (aq sa të kapin gishtat), pak vanilje, çokollatë në copa maksimumi 100 gr (çfarëdolloj çokollate që ju ka tepruar), 300 gr miell që fryhet vetë, 1 lugë kafeje sodë buke, 50 gr karamele (çfarë të keni ju në dollap), 50 gr arra, ose çdo frut tjetër të thatë, lajthi, etj.

PËRGATITJA:

Vendosim në mikser gjalpin me vaniljen dhe e trazojmë në shpejtësi mesatare për 4minuta. Më pas vendosim vezën, miellin, sodën, kripën, e trajtojmë deri sa të bëhet një brum i butë. Vazhdojmë dhe hedhim arrat, çokollatën, karamelen, dhe çdo gjë tjetër qe kemi për të vendosur tek biskotat.

Ndezim furrën në 180 gradë. Pasi temperatura është në 180 gradë fusim edhe biskotat (jo shumë të trasha dhe të mëdha pasi do fryhen edhe më shumë gjatë pjekjes).

Më pas i lëmë të ftohen dhe janë gati për të shoqëruar kafen, çajin, ose edhe për një super mëngjes me super energji.

Shënim: Foto është ilustruese, e zgjedhur nga redaksia.

lexo më shumë

RECETAT E SHEFIT – Levrek i pjekur me perime furre – Nga Renato Mekolli

NATHAN-OUTLAW’S-BRITISH-SEAFOOD-by-NATHAN-OUTLAW-published-by-Quadrille-£25-hardback

(Për 4 persona)

PËRBËRËSIT:

4 peshq levrek, ose kocë (në varësi të shijes), 2 patate, 2 kunguj jeshilë, 2 domate, 1 qepë, 8 thelpinj hudhër, kripë, piper, vaj ulliri, 1 patëllxhan, 2 gota vere te bardhë, 3 limonë, pak rozmarinë dhe pak rigon. Përveç përbërsve ushqimorë, mos harroni, duhet edhe letër furre.

PËRGATITJA:

Pasi të kemi pastruar peshkun brenda dhe jashtë, e kriposim dhe e vajosim. Presim të gjitha perimet në feta të holla dhe sipër letrës së furrës vendosim erëzat si dhe perimet, më pas peshkun dhe limonin e prerë në feta. E mbushim me perime edhe nga brenda peshkun.

E mbyllim mirë me letrën e furrës (nëse nuk keni letër furre me letër alumini, por mbyllja duhet të jetë shumë e mirë) dhe e fusim në furrën e nxehur më parë në 200 gradë. E lëmë për 30 minuta dhe më pas është gati për t’u servirur i sapodalë nga furra.

Ju bëftë mirë!

Shënim: Foto është ilustruese, e zgjedhur nga redaksia.

lexo më shumë

Recetat e Shefit – ËMBËLSIRË ME KOS DHE MJALTË – Nga Renato Mekolli

06-honey-and-yogurt

(Për 4 persona)

Duke qenë se jemi ne stinën e verës dhe kemi nevojë që të ushqehemi lehtë, shpejtë dhe mbi të gjitha me shije, ëmbëlsira është gjithmonë një zgjedhje ideale.

Kështu që për ëmbëlsirë kam menduar diçka super të freskët dhe jam i sigurt se te gjithë do ta pëlqeni.

PËRBËRËSIT:

300 gr kos i kulluar, 150 gr pana, 3 lugë mjaltë, 1 kajsi, 1 kumbull, pak shalqi, 8 biskota (sipas dëshirës dhe shijes tuaj) pak kakao dhe 100 gr çokollatë e prerë në copa.

PËRGATITJA:

Në fillim presim me kujdes të gjitha frutat. Më pas marrim panën dhe e përziejmë lehtë derisa të trashet pak, shtojmë kosin, mjaltin dhe çokollatën dhe i përziejmë të gjitha së bashku.
Në një gotë martini, ose në një gotë më formë që e keni në shtëpi, vendosim frutat, më pas biskotat, dhe në fund i shtojmë përzierjen që kemi përgatitur. Të njëjtën gjë e bëjmë edhe për gotat e tjera.

Në fund shtojmë kakaon dhe ëmbëlsira është gati.

lexo më shumë

Recetat e shefit – SALLATË VERORE – Nga Renato Mekolli

aeec1434619a40e13224a2933b94130b

(Për 4 persona)

PËRBËRËSIT:

1 pjeshkë, 1/2 avokado, 1 kumbull, 1 fletë pjepër, 1 limon, 5 domate qershi, pak sallatë jeshile, 1/2kastravec, disa gjethe rukola, 1/2 tufë borzilok, 1 qepë të njomë, 50 ml vaj ulliri, kripë, piper dhe disa feta djath pecorino për sallatën, ose djath të bardhë.

PËRGATITJA:

Pasi t’i keni pastruar të gjitha perimet dhe sallatën, presim fillimisht frutat dhe perimet në kubikë te vegjël, ose sipas dëshirës tuaj.

Marrim një enë dhe vendosim sallatën jeshile, pastaj shtojmë perimet e prera dhe i përziejmë me borzilokun e grirë. Më vonë shtojmë frutat, kripën, limonin, vajin e ullirit dhe i trazojmë me kujdes. Në fund vendosim sipër djathin e prerë.

Më pas sallata është gati për t’u servirur.
Shënim: Foto ilustruese, e zgjedhur nga redaksia.

lexo më shumë

RECETAT E RENATO MEKOLLIT PËR TRYEZËN E FESTAVE

renato mekolli

Nuk keni vendosur ende se çfarë do të përgatisni për mbrëmjen e ndërrimit të viteve? E keni lënë gjithçka për në minutën e fundit? Renato Mekolli, kryetari i jurisë së “Master Chef”, që më 1 janar ka finalen e edicionit të tretë në “Top Channel”, sjell për të gjithë lexuesit e “WHO” recetat e tij fantastike.

SUPË VELUTE ME KUNGULL DIMRI

Përbërësit për gjashtë persona:

600 g kungull dimri

100 g gjalpë fshati

100 g kos lope

kripë dhe piper

arrë moskat e grirë

100 g qepë të thata, të grira

2 thelpinj hudhër

pumpkinm

Përgatitja:

Vendosim në një tenxhere gjalpin, më pas hedhim qepën dhe hudhrat, në vazhdim kungullin, dhe pastaj një masë ujë. Pasi të jenë zbutur, i bashkojmë me kosin, kripën, piperin dhe arrën moskat. I kalojmë në mikser dhe supa është gati.

 

GJEL DETI I MBUSHUR

Përbërësit për gjashtë persona:

1 gjel deti

2 qepë të thata

4 thelpinj hudhër

majdanoz

kripë dhe piper

1 gotë vere me portokall

½ gotë vere konjak

500 g mish të grirë

1 shkop kanellë

100 g arra

2 domate

2 kg patate

pak thimo

rozmarinë

rigon

thanksgiving_stuffed_turkey

Përgatitja:

Hedhim në tenxhere qepën e grirë, më pas hudhrat, mishin e grirë dhe i skuqim mirë me flakë të ngadaltë. E shuajmë me portokallin, konjakun dhe hedhim në to domatet, kripë, piper dhe pak rigon. Mbushim gjelin dhe e fusim në furrë për 3 orë, duke e mbyllur tepsinë me letër alumini. E pjekim në 220 gradë. Më pas e çojmë temperaturën në 180 gradë, vendosim patatet e prera në 4 copa, rozmarinën, pak thimo dhe e pjekim për 1 orë.

 

MUS ÇOKOLLATE

Përbërësit për katër persona:

500 g çokollatë e zezë

2 të verdha veze

4 të bardha veze

1 vanilje

50 g sheqer

1 lugë gjalpë

1 lugë mjaltë

mousse4

Përgatitja:

Shkrijmë në banjëmari çokollatën, rrahim të verdhën me sheqerin, vaniljen, dhe mjaltin. Në një enë tjetër bëjmë marengë me të bardhën e vezëve. Vendosim të verdhën në çokollatë dhe gjalpë dhe e trajtojmë. Më pas vendosim edhe marengën te çokollata. E trazojmë dhe e vendosim në gota martini…

Uroj t’ju shijojnë! Gëzuar festat!

Shënim: Fotot janë ilustruese.

lexo më shumë