Masat ajrore të qëndrueshme me origjinë kontinentale do të vijojë në vendin tonë duke ndikuar mot kryesisht të kthjellët në pjesën më të madhe të territorit, përjashtim bëjnë zonat malore Lindore të cilat do të kenë herë pas here kalime vranësirash.
Sipas MeteoAlb, edhe orët e pasdites duke përfshirë edhe natën do të mbeten me të njëjtat kushte meteorologjike duke bërë që moti i kthjellët dhe vranësirat e lehta të jenë dominante.
Temperaturat e ajrit do të pësojnë rritje në të dy vlerat ekstermale të ditës duke e bërë ditën e enjte ditën më të ngrohtë të javës. Era do të fryjë lehtë në tokë dhe në det me shpejtësi 25 km/h nga drejtimi kryesisht Perëndimor duke bërë që në brigjet e Adriatikut dhe Jonit të gjenerohen dallgë 1 ballë.
Europa
Pjesa më e madhe e Europës do të jetë në ndikimin e motit të paqëndrueshëm duke bërë që vranësirat dhe shirat e dendur të jenë dominate. Më problematike situata do të paraqitet për Europën qendrore si edhe ishujt britanike ku shirat do të jenë me intensitet të lartë.
Po ashtu me shira të dendur dhe stuhi ere të fortë do të jetë moti për vendet e Europës lindore. Ndërsa moti i kthjellët dhe temperaturat e larta do të dominojnë mesdheun dhe Ballkanin ku termometri do të ngjitet deri në 27 gradë C. /noa.al