close
A e dini se ...BukuriJetëKëshilla

Ja si mund ta përdorni lëkurën e shegës si produkt bukurie

shege

Shegët nuk janë vetëm për t’u konsumuar, por mund të përdoren edhe si produkt bukurie. Ne gjithmonë konsumojmë vetëm kokrrat e kuqe të frutit dhe e hedhim lëkurën e tij, pa e ditur se ashtu si fruti, edhe lëkura është e pasur me përfitime të shumta bukurie. Më poshtë keni të listuar disa përdorime të lëkurës së shegës për kujdesin ndaj flokëve, lëkurës, dhe jo vetëm.

Vepron si një mbrojtës dielli natyral

Lëkura e shegës ofron agjentë që mund të mbrojnë lëkurën nga dëmtimet e rrezeve të diellit, duke shmangur kështu zhvillimin e kancerit të lëkurës.

Përgatitja:

  • Thani lëkurën e shegës në diell dhe më pas e bëni pluhur.
  • E hidhni atë në një enë hermetike.
  • Brenda saj shtoni kremin ose disa vajra esencialë, dhe aplikojeni në fytyrë 20 minuta para se të dilni jashtë.

Parandalon puçrrat dhe aknet

Lëkura e shegës ka veti shëruese, prandaj mund të luftojë puçrrat, aknet dhe skuqjet në lëkurë. Ajo është e pasur me antioksidues të ndryshëm që luftojnë bakteret dhe infeksionet e tjera.

  • Thani lëkurën e shegës. Më pas i piqni pak tek një tigan.
  • Pasi të ftohen i bluani me anë të një mulliri.
  • Bëni një pastë me këtë pluhur dhe lëng limoni ose ujë trëndafili.
  • Aplikojeni pastën në fytyrë, sidomos aty ku keni akne ose puçrra.
  • Lëreni të thahet për pak kohë
  • Në fund e lani fytyrën me ujë të vakët.

Parandalon rrudhat dhe shenja të tjera të plakjes

Studime të ndryshme kanë treguar se kur përzihen ekstraktet e lëkurës së shegës me vajin e farave, mund të krijojnë një maskë që parandalon enzimat të thithin kolagjenin dhe ndihmojnë në rritjen e qelizave të shëndetshme të lëkurës. Në këtë mënyra parandalohet dalja e shpejtë e rrudhave dhe shenjave të tjera të plakjes.

Përgatitja:

Përzieni pak qumësht me dy lugë gjelle pluhur lëkurë shege të tharë në diell. Mund të shtoni ujë trëndafili në vend të qumështit nëse keni fytyrë të shëndetshme.

Aplikojeni maskën në fytyrë dhe lëreni derisa të thahet.

Në fund e lani fytyrën me ujë të vakët.

Shënim: Përsëriteni këtë trajtim të paktën dy herë në javë për të marrë rezultate më të mira./Shendeti

Tags : shege
loading...