lefuture

Ja çfarë mund të hash me 30 dollarë në vende të ndryshme të botës

restaurant-food-11

Zvicër/ Zvicra është një nga vendet më të shtrenjta të Europës. Nje darkë modeste është ajo që ju mund të merrni për shumën e dhënë të parave në një restorant të lirë të kuzhinës tradicionale vendase. Nëse dëshironi diçka me më shumë kalori, mund të provoni ushqime italiane, kineze dhe turke që janë me bollëk në këtë vend.

Japoni/ Turizmi i kulinarisë është duke evoluar në Japoni, për shkak se ushqimi këtu nuk është shumë pikant dhe është i pranueshme si për turistët lindorë, ashtu dhe për ata perëndimorë. Përveç kësaj, shumë restorante këtu kanë të paktën një yll Michelin. Kuzhina më e spikatur është padyshim e detit.

Itali/ Kuzhina italiane cilësohet si më e mira në botë. Por një turist i papërvojë do ta ketë të vështirë të gjejë një restorant ku mund të provojë ushqimet e shijshme me një çmim të moderuar. Restorantet tradicionale të njohura rëndom si tratoria, osteria, dhe piceritë janë vendet ideale ku mund të hani ushqim tradicional italian, por gjithashtu mund shijoni edhe një verë të mirë shtëpie.

Kanada/ Është e vështirë të flasësh për kuzhinën tradicionale kanadeze, pasi ajo është shpesh një mishmash kuzhinash të sjella nga emigrantët e shumë nga e gjithë bota. Diferenca e çmimeve mes qyteteve të mëdha dhe atyre të vogla është drastike. Vaktin në foton e mëposhtme mund ta porosisni për 30 dollarë në një restorant të vogël familjar në kryeqytetin e vendit.

Francë/ Franca është vendi me shijen më të hollë në kuzhinë. Çmimet variojnë nga vendndodhja e restorantit, ashtu si pothuajse në çdo shtet tjetër. Kjo është një darkë që mund ta përfitoni me shumën e parave të sipërcituar, në një restorant të qetë, shumë larg nga qendra e qytetit. Dhe, vera është padyshim thelbësore për t’i dhënë kuptim vaktit këtu.

Spanjë/ Në Spanjë me 30 dollarë mund të hash një darkë të bollshme në një restorant të lirë. Ose mund të merreni disa ushqime tradicionale spanjolle të shoqëruara me verë vendase në një bar tapas, ku pjatat do të jenë plot.

Xhamajkë/ Kuzhina xhamajkane nuk është vetëm ekzotike dhe e larmishme, por edhe mjaft e moderuar në koston e ushqimeve të saj. Restorantet e klasës së mesme ofrojnë një vakt si ky i paraqitur në foto, të shoqëruar me garniturë frutash deti, që do të kushtonte të paktën dyfish në çdo restorant europian.

Australi/ Në restorantet e Australisë mund të konsumoni lehtësisht një darkë që kushton 30 dollarë. Duhet të keni parasysh se në Australi ka shumë restorante që nuk kanë një licencë për të shitur pije alkoolike, por ju lejojnë ta sillni vetë atë. Darka në një vend të tillë do të jetë shumë më e lirë.

Greqi/ Greqia i pret mysafirët e vet me një nga kuzhinat më të vjetra dhe më të shijshme të botës. Restorantet lokale dhe tavernat do të jetë një zbulim i vërtetë për ju; çmimet këtu janë relativisht të ulëta, sidomos në jug dhe në zonat që nuk janë shumë të frekuentuara nga turistët.

Meksikë/ Çmimet në restorantet e lira meksikane (ato larg vëmendjes së turistëve) janë relativisht të lira dhe shumë ndryshe nga vendet evropiane. Me 30 dollarë ju mund të porosisni çdo recetë të famshme të mishit pikant, që është tradicional për vendin.

Indi/ Alternativa më e mirë për të ngrënë në Indi është të zgjidhni një restorant lokal, sepse në to ushqimet janë të gatuara në kushte më të mira higjienike. Gjithsesi, edhe restorantet më të shtrenjta në vend ofrojnë për turistët çmime shumë të mira. Me 30 dollarë mund të porositësh një darkë për disa persona.

Maqedoni/ Çmimet në Maqedoni janë ndër më të lirat në Europë sa i përket ushqimit, ndërkohë që kuzhina këtu është e thjeshtë , e plotë dhe e shijshme. Do të kesh gjithnjë bukë të freskët, perime dhe lloje të ndryshme djathërash në tryezë. Nëse ke 30 dollarë me vete, mund të hash lehtësisht një darkë të bollshme në këtë cep të vogël të Europës Lindore.

Login

Welcome! Login in to your account

Remember me Lost your password?

Lost Password