• youuinsttaaffccbb
TEST
Jetë, Këshilla

Dhimbje koke pas një nate me alkool? Ja si të qetësoheni me disa mënyra natyrale

Është normale që një javë të gjatë në punë, ta mbyllni me një natë në ndonjë klub duke e tejkaluar pak me pijen. Ndoshta për momentin nuk e mendoni, por dita e nesërme do jetë e tmerrshme për ju, pasi do keni shumë dhimbje koke. Sigurisht për këtë e ka një zgjidhje, por në vend që të drejtoheni menjëherë tek ilaçet, provoni këto mënyra natyrale.
Përpara se të pini
– Asnjëherë mos pini me barkun bosh
Ushqimet me proteina janë zgjedhja e duhur për të ngrënë nëse keni ndërmend të pini më vonë, pasi ato duan më shumë të treten dhe ngadalsojnë ngritjen e nivelit të alkoolit në gjakun tuaj.
– Evitoni pijet me ngjyrë
Zakonisht pijet që janë pa ngjyra, sigurisht nuk përmbajnë ngjyrues dhe gjithashtu nuk ju japin shumë dhimbje koke të nesërmen.
– Hiqni dorë nga ‘flluskat’
Pijet alkolike me flluska kanë një veti të keqe. Ato ju dehin më shpejt, si dhe ju shkaktojnë një dhimbje koke të tmerrshme. Shampanja gjithashtu futet në këtë listë.
– Pini vitamina
Duke qenë se trupi juaj përdor vitamina për të përballuar alkoolin, përpara një nate me shumë alkool pini vitamina, sidomos vitamën B.
– Evitoni pijet dietike
Pijet dietike që nuk përmbajnë sheqer apo kalori, bën që alkooli të futet direkt në gjak. Përdorni më mirë lëngjet, pasi ju ndihmojnë të pini më shumë.
Pasi keni pirë
– Rihidratohuni
Dehidratimi është shkaku kryesor i dhimbjes së kokës ditën pas pirjes. Nëse pini një gotë ujë para se të flini dhe një gotë kur të zgjoheni, do ndiheni shumë më mirë.
– Pini vitamina, sërish
Nëse ju ndihmon përpara një nate me alkool, sigurisht ju ndihmon dhe ditën e nesërme. Çdo vitaminë që metabolismi juaj mund të ketë përdorur, ju e zëvëndësoni duke e pirë atë në mëngjes.
– Hani vezë
Mund të hani vezë të ziera apo të skuqura, pak rëndësi ka. Ato përmbajnë aminoacide që ndihmojnë në heqjen e dhimbjes së kokës.
– Evitoni kafeinën
E dimë që duket si zgjedhja e duhur, por shumë kafeinë sjell dehidratim dhe mund t’ju bëjë të ndiheni më keq se më parë.
– Pini çajra
Sipas studimeve, çajrat ju ndihmojnë me dhimbjen e kokës dhe atë të stomakut./revistawho.com