close

Vetëm në WHO

Mëngjesi sportiv i Majlinda Bregut, fotografohet duke…

18280124_830729180416087_735592305_n

Deputetja Majlinda Bregu, është kapur mat nga paparazzi i “RevistaWho.Com” rreth orës 8 e 20 minuta teksa futej në palestrën “KineticFitness” të ish-kampiones Klodiana Shala, edhe kjo e fundit pjesë e strukturave të PD. Bregu ka qenë në qendër të vëmendjes këto ditë për shkak të zhvillimeve në PD dhe mbetet të themi se është për t’u admiruar dispilina për të gjetur kohë në mëngjes edhe për pak fizkulturë. Majlinda Bregu është sot një nga zonjat më sharmante të Parlamentit, sepse siç duket veç kujdesit në përzgjedhjen e look-ut, ajo i kushton jo pak vëmendje edhe formave fizike. / revistawho.com

lexo më shumë

“BB9” / Damiano takoi miqtë gjatë javës që ishte në izolim, flet shoku i banorit: Video është bërë…

Screenshot_11

Rregulli parësor në “Big Brother” është izolimi dhe moskomunikimi me personat jashtë shtëpisë. Por këtë edicion duke qenë se konkurrentët janë futur çift edhe rregullat kanë ndryshuar. Ishte largimi i Donjetës, ai që shkaktoi edhe largimin e Damianos, i cili u kthye brenda në shtëpi me votat e publikut. Por ditën e djeshme u përhap me shpejtësi lajmi se gjatë qëndrimit jashtë shtëpisë së “Big Brother”, Damiano nuk ka qëndruar i izoluar. Madje në një video ai shfaqej në shoqërinë e miqve ndër to edhe aktori i njohur Drilon Hoxha. RevistaWho.com kontaktoi me Drilonin i cili sqaroi se video është bërë më përpara dhe se ekziston edhe një video tjetër që e saktëson dhe e vërteton këtë. Videon do e publikojë Driloni së shpejti për të shuar çdo keqkuptim./revistawho.com

lexo më shumë

FOTOT/ Samsung Galaxy S8 dhe S8+ prezantohen në Shqipëri, ja sa kushtojnë!

unnamed

Samsung Electronics prezantoi sot në Tiranë gjeneratën e tetë të telefonave të mençur Galaxy S8 dhe Galaxy S8+, telefonat inteligjentë që shtyjnë kufijtë e celularëve tradicionalë me dizajnin e mrekullueshëm dhe shumëllojshmërinë e shërbimeve të reja. Me lançimin e shërbimeve dhe aplikacioneve të shumta, si dhe me Ekranin mahnitës pa Kufij për një eksperiencë të të shikuarit 3D, Galaxy S8 dhe Galaxy S8+ sjellin një nivel të ri të funksionalitetit dhe komoditetit, duke hapur një galaksi mundësish për përdoruesit.

Aktiviteti u zhvillua në ambjentet e Hotel Rogner dhe u moderua nga i mirënjohuri Edi Oga. Përfaqësuesi i zyrës rajonale të SAMSUNG Elektronics Z. Arbër Shala, Account Manager i Samsung për Shqipërinë dhe Kosovën shprehu entuziazmin e tij në prezantimin e përformancës më të fundit të Samsung. “Kur projektonim këto pajisje të reja, qëllimi ynë kryesor ishte të krijonim telefona inteligjentë që nuk kanë kufij dhe që lejojnë klientët tanë të zbulojnë mundësi dhe eksperienca të reja. Jam i sigurtë se tani që po e shikoni e provoni vetë, ju do të bini dakort me mua se rezultati përfundimtar është vërtetë i mrekullueshëm. Galaxy S8 dhe S8+ dhe pajisjet shoqëruese do të jenë prezent në Shqipëri dhe në Rajon duke filluar nga sot, 28 prill.”

Detajet teknike dhe karakteristikat e produktit u prezantuan nga Julian Kamberi, Menaxher Teknik per Samsung.

Gjatë prezantimit të telefonave të rinj Galaxy S8 dhe Galaxy S8+, të pranishmit u informuan dhe provuan eksperiencën e shkëlqyer të karakteristikave fantastike si ekrani pa kufij, cilësia e mrekullueshme e imazhit, mënyrën e re e ndërveprimit me telefonin si dhe risitë e reja jashtë telefonit. Këtu mund të përfshijmë kameran e re Gear 360, e cila sjell mundësinë e regjistrimit 4K në 360 gradë, me transmetim të drejtpërdrejtë, si dhe një shtesë fantastike për Samsung Dex, e cila ofron produktivitetin më të mirë në lëvizje, me mundësinë e lidhjes të S8 me një monitor, tastierë dhe maus, për përvojë pune të ngjashme me atë të një kompjuteri desktop.

Galaxy S8 dhe Galaxy S8+ janë ndërtuar mbi trashëgiminë e krijimit të dizajneve mahnitëse dhe pajisjeve funksionale të Samsung. Në dispozicion janë modelet 5.8 inç për Galaxy S8 dhe 6.2 inç për Galaxy S8+, Ekrani pa Kufij dhe dizajn pa kornizë formojnë një sipërfaqe të lëmuar, pa butona apo kënde të ashpra. Rezultati është një eksperiencë shikimi me të vërtetë impresionuese pa shpërqëndrime dhe e bën multitasking më të lehtë. Dizajni kompakt i Galaxy S8 mundëson përdorim të përshtatshëm me një dorë dhe xham Corning Gorilla Glass 5 si para ashtu dhe prapa për qëndrueshmëri dhe cilësi të lartë.

Në vazhdimësi të inovacioneve të reja të dizajnit, Samsung Galaxy S8 dhe S8+ janë pajisur me kamera premium 8 MP F1.7 inteligjente me autofokus të avancuar në pjesën e përparme dhe kamera 12MP F1.7 Dual Pixel në pjesën e pasme për foto më të mira edhe kur drita është e ulët, zmadhim më të mirë dhe anti-blur për përpunime të zgjeruara të imazhit.

Për një përformancë dhe lidhje të fuqishme, Galaxy S8 dhe S8+ përmban çipin e parë 10nm të industrisë, duke mundësuar shpejtësi të lartë dhe efikasitet. Ato gjithashtu ofrojnë gigabit LTE dhe gigabit Wi-Fi me mbështetje deri në 1 Gbps në mënyrë që përdoruesit të mund të shkarkojnë fotografi më shpejt, pavarësisht nga madhësia e tyre.

Si pajisjet e para mobile në botë të çertifikuara nga UHD Alliance si MOBILE HDR PREMIUM, Galaxy S8 dhe S8+ u lejojnë përdoruesve të shohin të njëjtat ngjyra dhe kontraste që përdorin prodhuesit e filmave. Gjithashtu, Galaxy S8 dhe S8+ ofrojnë eksperiencë të një niveli më të lartë për lojëra me teknologji grafike superiore dhe të gjalla, ashtu si “Paketa e Lojërave”, duke shfaqur titujt më të kërkuar dhe tituj të mbështetur nga Vulkan API.

Përveç kësaj, Galaxy S8 dhe S8+ ofrojnë një përzgjedhje të gjerë të teknologjive biometrike, duke përfshirë një skaner për gjurmët e gishtave, skaner të irisit dhe njohjen e fytyrës.

Galaxy S8 dhe S8+ vijnë me karakteristikat themelore të Galaxy që dëshirojnë përdoruesit duke përfshirë:

Rezistencë IP68 ndaj ujit dhe pluhurit

Kartë MicroSD që suporton deri në 256GB

Ekrani “Always-on”

Aftësi për karikim të shpejtë dhe me wireless

Bixby është një ndërfaqe inteligjente që do të ndihmojë përdoruesit të kuptojnë më shumë telefonin e tyre. Me butonin e ri Bixby, ata janë në gjendje të hyjnë në BIXBY dhe të lundrojnë në shërbimet dhe aplikacionet me zë, prekje, vizion dhe komanda teksti. Në lançim, funksioni Voice BIXBY do të integrohet me disa aplikacione bazë të Samsung dhe funksione duke përfshirë kamerën, kontaktet, galerinë, mesazhet dhe menunë, me planin për të zgjeruar kapacitetet e saj për të përfshirë më shumë aplikacione Samsung dhe aplikacione të palës së tretë në të ardhmen e afërt. Aftësitë e ndërgjegjësimit kontekstual i mundësojnë BIXBY të ofrojnë ndihmë të personalizuar bazuar në atë që ajo mëson në mënyrë të vazhdueshme në lidhje me interesat, situatat dhe vendndodhjet e përdoruesit.

Përdoruesit gjithashtu mund të bëjnë blerje, të kërkojnë për imazhe dhe të marrin informacione për vendet afër tyre me teknologjinë e njohjes së imazhit të Bixby. Ndërkohë që ekosistemi i Bixby do të rritet, ai do të lidhë aplikacionet dhe shërbimet mes pajisjeve si një ndërfaqe gjithpërfshirëse dhe do të hapë eksperienca dhe skenarë të rinj për t’iu thjeshtësuar jetën përdoruesve.

Përtej eksperiencës së telefonit, Galaxy S8 dhe S8+ ofrojnë një portofol të fuqishëm të produkteve dhe shërbimeve, duke rritur eksperiencën premium të të dyja pajisjeve për produktivitet dhe lidhje të telefonëve inteligjentë.

Galaxy S8 dhe S8+ zbulojnë Gear VR e ri me Telekomandë, mundësuar nga Oculus. Duke mundësuar një kontroll dhe përdorim të përshtatshëm me një dorë, telekomanda siguron ndërveprim më të mirë të lëvizjes gjatë qasjes së përmbajtjes interaktive VR. Galaxy S8 dhe S8+ do të lidhen gjithashtu me Gear e ri 360 për të krijuar video 4K 360° dhe foto 15MP.

Duke zhvilluar fuqinë e përpunimit të Galaxy S8 dhe S8+ për rritjen e produktivitetit, Samsung Dex është një zgjidhje unike që shndërron telefonin në një desktop, duke siguruar një eksperiencë të sigurtë. Me Samsung Dex, përdoruesit mund të shfaqin dhe redaktojnë me lehtësi të dhënat nga telefoni i tyre, duke punuar në një telefon të shpejtë dhe inteligjent.

Përveç kësaj, sa më shumë pajisje IoT të hyjnë në treg dhe rrjeti të bëhet më kompleks, Samsung Connect do të thjeshtësojë menaxhimin e pajisjes së zgjuar. Me Samsung Connect, përdoruesit mund të aktivizojnë me lehtësi pajisjet IOT nëpërmjet një procesi të shpejtë konfigurimi me tre hapa dhe të menaxhojnë të gjitha pajisjet e lidhura nëpërmjet një aplikacioni të integruar.

Galaxy S8 dhe S8+ vijnë edhe me shërbimin e përmirësuar Samsung Health, zgjerimin e një prej shërbimeve më të përdorura gjerësisht Samsung me 60 milionë përdorues aktivë mujor dhe 11 milionë përdorues aktivë ditor në mbarë botën. Samsung Health përfshin tele-Health (vetëm në SHBA), kujdes shëndetsor personal, kapacitete sociale që ripërcaktojnë shëndetin tradicional dhe fitnes.

Kufjet e reja me përformancë të lartë nga “AKG by Harman”, ofrojnë audio pa kompromis për cilësinë më të lartë të zërit dhe vijnë si një aksesor në kuti. Këto kufje do të ketë një përshtatje hibride për anulimin e zhurmave dhe do të përbëhen nga materiale metalike të ndërthurura me pëlhurë.

Galaxy S8 dhe Galaxy S8+ do të jenë në shitje në Shqipëri pranë partnerëve tanë Telekom Albania, Vodafone Albania, Plus Communication, Neptun, duke filluar nga data 28 Prill, pra sot. Do të ofrohen me disa ngjyra që përfshijnë ngjyrën e Zezë të Mesnatës, ngjyrën Gri Orkideje dhe ngjyrën e Argjendtë të Arktikut. Çmimet e sygjeruara të shitjes me pakicë janë 109.900 Lekë për Galaxy S8 dhe 123.900 Lekë për Galaxy S8+./ revistawho.com

lexo më shumë

VIDEO/ Nga dueti me Rovena Dilon tek “Xhulit” e Teodor Kekos… Këto janë 10 këngët që shënuan karrierën e Pirro Çakos

11056102_844912988916749_4468677495089831049_n

“Dashuritë e mëdha duke qeshur fillojnë si dhe vetë komeditë”… Kështu duhet të ketë nisur dashuria për muzikën tek djali i artit Pirro Çako e kështu nisi edhe tek ne dashuria për muzikën e tij. Që vazhdon, ndonëse Pirro ka vendosur të marrë një pushim që po zgjat ca. Megjithatë puna e vyer është aty, këngët e bukura janë gati të na emocionojnë sa herë që kemi nevojë të dëgjojmë pak muzikë të mirë. Kush nuk e pëlqen duetin e Çakos me Rovena Dilon, apo atë me Elas Lilën? Kush nuk u dashurua “Nga dashuria” (Xhulit) e Teodor Kekos kënduar nga Pirro. Kantautori ka bërë këngë të bukura për shumë artistë, por disa krijime, ato më specialet, i ruajti për vete. Këto janë 10 këngët që shënuan karrierën e Pirro Çakos! Ju kishte marrë malli?

HERET A VONE

https://www.youtube.com/watch?v=7lbBbzJGuTo

TAKA KRAK

https://www.youtube.com/watch?v=uHeOzlhWVLw

AH MOJ DASHURIA IME

PER NJE CAST ME NDALI ZEMRA

DIFERENCA JE TI

NGA DASHURIA (XHULIT)

https://www.youtube.com/watch?v=FuiUoQf1kYA

NJE TJETER JETE

MIREMBREMA SI JE

UNE AI, TI AJO

ANJUSHKA

lexo më shumë

FOTOT/ Zbulohet surpriza, ish-Presidenti i Shqipërisë feston 60-vjetorin

18157381_10212232222111565_22450816454141141_n (1)

Ditën e djeshme është organizuar një surprizë për ish-Presidentin e Shqipërisë Bamir Topi, me rastin e 60-vjetorit të tij. Anëtarë të Partisë “Fryma e Re Demokratike” janë mbledhur në një restorant në periferi të kryeqytetit për të celebruar përvjetorin e lindjes së kryetarit të tyre. “Edhe 100 vite të lumtura miku ynë”, shkruhej në tortën e kaltër me qirinj. Bamir Topi ka qenë Presidenti i Shqipërisë në vitet 2007-2012, ndërsa më vonë themeloi partinë e tij “Fryma e Re Demokratike”. Ai është baba i dy vajzave./ revistawho.com

 

 

lexo më shumë

Ditëlindja e Andrrës, Sinan Hoxha zbulon surprizën: Nxirreni pas 2 orësh!

10660349_522102094617777_5418774451955476566_n

Sot bashkëshortja bukuroshe e Sinan Hoxhës ka ditëlindjen. Me të hyrë data 21, vërshuan urimet për Andrrën në rrjetet sociale. Ne u bëmë kuriozë për urimin dhe dhuratën që ka menduar sot për të, këngëtari i suksesshëm i muzikës popullore. Ndaj kontaktuam me Sinanin i cili nuk hezitoi të na e tregonte surprizën, por me një kusht. “Kam prenotuar një supersuitë në një nga hotelet më luksoze të Tiranës. Vetëm lajmin nxirreni pas dy orësh sa të shkojmë ne atje”, tha Sinani. E në fakt kishte të drejtë, se nëse Andrra do e lexonte në portale, ç’kuptim do të kishte pastaj surpriza. Sigurisht ne pritëm dhe lajmin po e nxjerrim në kohën e duhur, teksa çifti tashmë kanë shkuar të shijojnë mbrëmjen e tyre speciale. Edhe 100 Andrrës së bukur!/ revistawho.com

lexo më shumë

FOTOT+HISTORITE/ VIP-at që s’e përballuan ndarjen dhe ngecën tek dashuria e fundit

Screenshot_11

Ndarja është e vështirë për këdo dhe harresa e njeriut që ke dashur apo edhe nisja e një historie të re kërkon kohë. Edhe nëse bëhet fjalë për njerëz të famshëm e të bukur, të cilët supozohet se e kanë më të thjesht gjetjen e partnerit/es së radhës. Ama disa prej tyre duket ta kenë shumë të vështirë e me ç’dihet në publik, kanë ngecur tek dashuria e fundit. Më poshtë po ju listojmë disa lidhje të bujshme dashurie që përfunduan në ndarje. Prej atij momenti këta VIP-a janë singëll!

COZMAN

Cozman po përflitet herë pas here për flirte të ndryshme, por deri më sot nuk dimë për një lidhje të mirfilltë dashurie të Cozman, qysh prej ndarjes nga Tuna. Teksa kjo e fundit në një kohë rekord nisi një romancë të re, një shtatzëni që përfundoi po aq shpejt në martesë me Patris Berishën, Cozman ka mbetur në vendnumëro. As fotot e vjetra me të s’ia bën dora t’i fshijë.

OLTA GIXHARI

Një tjetër ish-çift që ruan fotot e vjetra por edhe miqësinë në rrjetet sociale janë Olta Gixhari dhe Xhek Nasufi. Ata janë ndarë prej kohësh por në deklaratat e saj aktorja seksi këmbëngul që është beqare e që madje nuk i pëlqen fare që ka mbetur vetëm. Fakt është se Olta Gixhari ka mbetur singëll, pavarësisht se të gjithë meshkujt vdesin për të.

VESELI I BB

Tea u nda nga Veseli pak kohë pasi ata dolën nga shtëpia e famshme e “Big Brother”. Muaj më pas u mor vesh se ajo nisi një lidhje dashurie me një tjetër djalë që ishte gjithashtu konkurrent në lojën e “Top Channel”, Kristin. Kjo lidhje vazhdon lumturisht edhe sot. Ndërkaq Veseli është përfolur për disa flirte por sërish ka mbetur beqar, që kur u nda nga Tea.

AGON AMIGA

E bujshme ishte ndarja e reperit Agon Amiga nga bashkëshortja. Aq e dhimbshme ishte kjo ndarje për reperin saqë ai jo vetëm që s’ka krijuar një histori të re, por vazhdon të “qajë” për ish-gruan. Kujtojmë se edhe këngën më të fundit publikuar këto kohë, Agon Amiga ia dedikon ish-bashkëshortes. Këngëtari siç duket vazhdon shpreson për një rikthim.

MAJK

Majku ende nuk e ka marrë veten nga “traumat” e lidhjes së shkurtër me bukuroshen kosovare Majlinda Zeka, pasojat e të cilës po zgjasin shumë më shumë se vetë lidhja. Majlinda ishte e para që Majku e dashuroi publikisht, por ndarja e tyre erdhi shpejt. Më vonë Majlinda këmbëngulte se është shtatzënë. Në fakt ende sot nuk dihet nëse Majku do të bëhet apo jo baba, por nëse është kështu nuk do të vonojë dita kur do të merret vesh. Ndërkohë që pret, reperi siç duket nuk përqëndrohet dot për një lidhje tjetër.

BEATRIX

Një nga personazhet më të dashuruar, cilësohej Beatrixa gjatë kohës që ishte e lidhur. Ajo ndante shpesh çaste romantike por edhe intime me të dashurin që sot është bërë një “ish”. Nëse asokohe betohej për dashuri të përjetshme, sot këngëtarja betohet se dashuron vetëm karrierën dhe për momentin vetëm këtë plan ka.

BLEONA

Ylli shqiptar tashmë e famshme edhe në Amerikë, e pranon vetë që dashuria e saj e parë është karriera. Aq shumë e dashuron Bleona punën dhe aq e vendosur është ajo në arritjen e objektivave që i ka vënë vetes, sa iu desh të sakrifikonte edhe një lidhje dashurie. Siç e dini të gjithë, të vetmin partner që i njohim Bleonës është Gani Bardha. Për tjetër nuk dimë, as para dhe as pas tij.

lexo më shumë

FOTO PAPARACI/ Arian Çani sport nëpër Tiranë, për kafe me vajzën dhe gruan

18052748_822913447864327_1624050078_n

Ndonëse pranon se është personazhi më pa komplekse në Shqipëri, e vërteta është se Arian Çani kur vjen puna tek familja është tejet i rezervuar. Siç dihet ai është bashkëshort dhe baba i dy fëmijëve, përkatësisht një djali dhe një vajze. Ndryshe nga kolegët e tij, drejtuesi i “Zonë e Lirë” i ka qëndruar larg kopertinave në gjirin familjar.

Ndaj kurioziteti për të parë dhe mësuar më shumë për jetën e tij private është edhe më i madh.

Paparaci i “revistawho.com” e ka pikasur Çanin pikërisht ashtu siç nuk e kemi parë. I veshur krejt sport, me tuta, atlete e kapele, ai është ulur në një prej bareve në qendër të Tiranës në shoqërinë e dy femrave më të rëndësishme të jetës së tij, bashkëshortes dhe vajzës./ revistawho.com

 

 

lexo më shumë

INTERVISTA/ Lidhja me Damianon lojë apo dashuri? Flet miku i Armelës: Unë e njoh mirë, ja çfarë mendoj

18049793_822205077935164_560424101_o

Bukuroshja e “Big Brother 9” Armela, fillimisht ra në sy pikërisht për pamjen e saj. Duke qenë se Armela u bë pjesë e lojës e vetme, kurioziteti se me cilin prej djemve të shtëpisë ajo do të bëhej çift, ishte i madh. Tani e kemi shuar këtë kuriozitet, pasi Armela është çift në lojë me Damianon dhe konsiderohen si një nga dyshet më të forta të këtij edicioni. I shohim shpesh teksa përqafohen por edhe puthen, e të shumtë janë ata që besojnë se përtej lojës ndoshta midis dy të rinjve, ka një pëlqim të vërtetë. Ne kontaktuam me Kevin Kolën, mikun e ngushtë të Armelës. Ai e konsideron si motër dhe e njeh mirë, ndaj i kërkuam që të thotë mendimin e tij në “revistawho.com”, lidhur me marrëdhënien e saj me Damianon. Më poshtë mund të zbuloni se çfarë na ka thënë: 

Kevin, si po e shihni këto ditë Armelën në Big Brother?

Armela çdo ditë që kalon vazhdon një lojë të pastër e të sinqertë por sërish pret të studiojë situatën ku ndodhet me këshillë të Damianos. Loja për të si lojtare nuk ka filluar akoma. Po i qëndron shumë besnike lojës në çift dhe jam i lumtur për këtë gjë.

Po fansat e saj ju kontaktojnë? Çfarë ju thonë?

Ashtu si dhe çdo banor tjetër mendoj sigurisht që ka njerëz që na shkruajnë, komplimentojnë apo japin këshilla. Nuk do i quaja fansa, thjesht pëlqyes të Armelës si personazh, apo çiftit Armela Damiano.

Si e pritët vendimin e saj për t’u bërë çift me Damianon?

Në momentin që Armela ra dakord të jetë pjesë e lojës ajo e ka të qartë se loja mbetet lojë dhe si e tillë luhet pa dalë nga caku i një Reality Shoë. Një partner si Damiano e ka plotësuar këtë format me çdo copëz të munguar debati, kulture, historie jete dhe shumë të tjera. Nuk mund të mendoja për një lojtar më të fortë se Damiano.

Ju e njihni mirë Armelën, mendoni se ajo ka pëlqim të vërtetë për Damianon?

E vërtetë që e njoh Armelën megjithatë mbetet për t’u parë në daljen nga shtëpia nëse jemi magjepsur nga loja, apo kemi parë fillimin e një historie të vërtetë./ revistawho.com

 

lexo më shumë

“Djali do të quhet…”, flasin për herë të parë Adelina dhe Vali: Jemi më të lumtur se kurrë…

15203136_1199549556792729_1608366938968597818_n

Adelina Ismaili dhe Val Krasniqi kanë prekur sot qiellin me dorë. Dy prindërit më të rinj në botë janë më entuziastë se asnjëherë tani që mbajnë në duar të voglin e tyre. “Jemi më të lumtur se kurrë më parë, sot gjithçka mori kuptim”, – thotë diva e skenës shqiptare dhe bashkëshorti i saj në një komunikim me “revistawho.com”. Të dy na zbulojnë se djali do të quhet Uliks dhe se zgjedhja e emrit ka qenë përgjegjësi e Valit. Në intervistën e saj të parë gjatë shtatzënisë dhënë ekskluzivisht për “revistawho.com“, Adelina Ismaili tha se: “E kam parë në ëndërr që nga fillimi. Ka kaçurrela të zeza dhe është shumë beb energjik (qesh). Ka syçka të rrumbullakëta dhe faqe të kuqe. Do doja t’i ngjante Valit, Jo se nuk dua të më ngjajë mua, por jam shumë e sigurt që do të më ngjajë më shumë sesa duhet (qesh). Do doja të kishte sytë dhe qetësinë e Valit. Gjallërinë dhe buzëqeshjen time”, – u shpreh ylli i muzikës (LEXO KETU INTERVISTEN E PLOTE). “Who” i uron edhe një herë jetë të gjatë e të lumtur të voglit. / revistawho.com

lexo më shumë
1 2 3 4 5 7
Page 3 of 7