close

Vetëm në WHO

EKSKLUZIVE/ Martohet djali i biznesmenit shqiptar, detajet e dasmës me shpenzime marramendëse (FOTO+VIDEO)

IMG_5045

Prej një jave në familjen e biznesmenit të suksesshëm shqiptar Shefqet Kastrati, ka nisur festa. Djali i tij Musa Kastrati dhe nusja Adela, martohen sonte në një dasmë me shpenzime marramendëse, detajet e së cilës na lanë me gojë hapur. Në fakt dasma do të zgjasë tri ditë, por sonte është ceremonia VIP. Si fillim po ju themi se vendi ku do të mbahet ceremonia është ndërtuar enkas për këtë rast. Një hapësirë e re e luksoze në Vorë, do të mirëpresë sonte dasmorët. 120 mijë euro kanë kushtuar vetëm lulet e sjella nga Holanda ndërsa ushqimi e servisi kanë ardhur enkas nga Italia. “RevistaWho.com” ka mësuar se për këtë ceremoni familja Kastrati ka kontraktuar agjencinë shqiptare “Amar Events” për kurimin deri në detajet më të vogla. Peshën kryesore të muzikës në dasmë do e ketë këngëtari i suksesshëm i muzikës popullore shqiptare Sinan Hoxha, ndërsa do të këndojnë edhe yje të tjerë të muzikës shqiptare si Eranda Libohova, Gena, etj. Me sa duket familja Kastrati nuk ka për qëllim që ta kthejë këtë ditë të gëzuar në ngjarje mediatike, pasi ata janë treguar të rezervuar në gjithçka. Por ne nuk mund të rrinim pa i dedikuar një shkrim, pasi është hera e parë në Shëqipëri që bëhet një ceremoni me të tilla përmasa. Në fakt ky ka qenë një vit i mbushur plot me dasma, e njerëzit nuk po dinë se cilën të cilësojnë si “dasma e vitit”. Duket se një ceremoni që ende s’ka nisur, do të zërë vendin e parë, për nga përmasa, kujdesi e investimi i jashtëzakonshëm që është bërë në të. Do të përpiqemi që në vijim të sjellim të tjera informacione./ revistawho.com

lexo më shumë

Merr fund lidhja pasionante, këngëtari shqiptar ndahet nga e dashura modele

vdbtfjhrsdt

Ata ishin një çift shumë i lumtur bashkë dhe kishin një lidhje shumë pasionante. Aq sa shpesh ndanin me ndjekësit e rrjeteve sociale puthje e përqafime me njëri-tjetrin. Në fakt kjo ishte hera e parë që këngëtari i famshëm Erik Lloshi, bëri kaq publike një lidhje dashurie. Modelja seksi Jola Progri, dukej se e kishte marrosur artistin. Por diçka nuk shkoi mirë. Në fakt nuk po shikonim më foto në çift dhe i bëmë një “kontroll” profileve të secilit. Historia në çift është zhdukur pa gjurmë. Ata kanë fshirë çdo postim bashkë, vetëm se Erikut i ka shpëtuar një pozë nga dimri i një viti më parë. Nuk dihet se çfarë i çoi dy të rinjtë drejt ndarjes, por ata duket se po e kalojnë mirë këtë fazë të re si beqarë. Ai me shumë punë e koncerte, ajo si gjithnjë me poza seksi./ revistawho.com

lexo më shumë

EKSKLUZIVE/ Znj.Kallaku rrëfen realizimin e ëndrrës së bardhë, Xhensila: Ende s’e kam marrë veten…

IMG_4016

Fotot: Renuar Locaj

Nuk besojmë se ka shqiptar që nuk ka parë të paktën një foto nga dasma e bukur e dy artistëve aq të dashur të vendit tonë. E besojmë se të shumtë janë ata që kanë thënë se nuse më të bukur se Xhensila, zor se mund t’i kenë zënë sytë. Po përtej shkëlqimit të dritave, fustaneve e luleve, ajo që do të mbajmë mend gjatë nga dasma e Bes Kallakut me këngëtaren është DASHURIA! Ata të dy duhen, dhe e reflektojnë në çdo çast. E në një kohë ku vendin e ndjenjave po e zënë qëllimet, interesat e kompromiset, kjo i jep tjetër vlerë gjithçkaje. Ne po tregojmë se si e ka parë publiku dasmën e Xhensilës dhe Besit, por nusja vetë, si e ka përjetuar. Në një rrëfim ekskluziv për “RevistaWho.Com” ajo na ka folur që për ditët e para me Besin kur dasmën thjesht e ëndërronte, deri tek realizimi i ëndrrës së saj të bardhë. Duam ta falenderojmë Xhensilën jo vetëm që pranoi ta ndajë me ne këtë rrëfim, por na bëri të besojmë edhe një herë, edhe më fort, se dashuria e vërtetë ekziston e është shumë e bukur. Do të na kuptoni pasi ta lexoni.

Xhensila si mund të na i përshkruash këto ditë?

Nuk kam fjalë, ishte ëndrra ime e bardhë që u kthye në realitet. Kam përjetuar emocione që nuk i kisha ndjerë kurrë më parë. Ende nuk e kam marrë veten, më kujtohen vetëm pak imazhe nga ajo natë, sikur nuk ka qenë e vërtetë…

Sa kohë ju desh të merreshit me dasmën?

Në fakt jemi përgatitur gjatë, që nga koha kur kemi kopsitur idetë e deri në momentet e fundit që çdo gjë të ishte siç e donim. “Geraldina Sposa” ishte zgjedhja më e mirë që bëmë të dy me Besin. Për fustanet isha e qetë, sepse që në skicime u afeksionova. Sellma dhe Kaci ishin të disponueshëm dhe me ide të qarta. Them me plot gojën qe kemi punuar me më të mirët.

Doli siç e kishit imagjinuar?

Mbase më mirë akoma. Nuk ka asgjë që do doja të ndryshoja nga ajo natë.

Ne dimë shumë pak për propozimin, si ishte ai?

Shumë intim, shumë emocional, i paharrueshëm.

I kujton fillimet e tua me Besin, çfarë ka ndryshuar nga atëherë? E mendoje që asokohe këtë dasmë përrallash?

Dasmën e mendon dhe e imagjinon çdo femër kam përshtypjen, edhe unë sigurisht e kisha thurur ëndrrën time për këtë ditë. Me Besin gjërat kanë ndryshuar vetëm për mirë. Jam rritur me të dhe çdo ëndërr timen e kam ndërtuar rreth tij.

Cili ishte momenti më i bukur i mbrëmjes për ty?

Momenti kur i thamë PO njëri-tjetrit. Do e ruaj atë kujtim gjithë jetën!

A është kjo koha më e lumtur e jetës tënde?

Janë ditë shumë të lumtura të miat megjithatë kam kuptuar që njeriu edhe momente shumë të vogla mund t’i kthejë në lumturi të pamasë.

Pas dasmës, kur mbetët vetëm a i thatë njëri-tjetrit “o Zot sa u lodhëm”?

Jo madje nuk na zinte gjumi nga gëzimi.

Ku dhe si ju gjeti mëngjesi i parë si të martuar?

Në shtëpine tonë, duke mos e besuar që një natë më parë kishim përjetuar ato çaste të paharrueshme.

Po muaj mjalti keni planifikuar?

Ende nuk kemi diçka konkrete, por sigurisht që po.

Do na e tregoni sa shpenzuat gjithsej për dasmën?

Kemi derdhur shumë energji, emocione dhe shumë dashuri atë natë. Kjo është më e rëndësishmja. Fundja, kujtimet janë e vetmja gjë që mbeten në jetë. E rëndësishme është që bashkëpunuam me njerëzit e duhur dhe ja vlejti.

I keni shënuar emrat e atyre që nuk erdhën?

Jo, ishin shumë ata që na lumturuan me pjesëmarrjen e tyre dhe kjo ka rëndësi.

Keni nisur jetën në shtëpinë e re?

E kemi nisur prej 2 muajsh tashmë.

Si e ëndërron tani të ardhmen tënde, si bashkëshorte dhe artiste?

E dashuruar si gjithmonë, dhe e angazhuar në maksimum në ndërtimin e një familjeje plot jetë e dritë.

Do ta sjellësh me klip këngën e re kushtuar Besit?

Po, kam një plan së shpejti. Eshtë një këngë që për mua do të thotë shumë.

Sa fustane ndërrove?

3 fustane. / revistawho.com

lexo më shumë

NË KOPERTINË / Blendi Fevziu: Mesazhi që më dërgoi Ines gjatë programit ‘pushooo’ me Lamen dhe marrëdhënia me vajzat

IMG_3953

“Pushooo… Po flet Fevziu!” Jo vetëm për shkak të batutës së tij gjatë një emisioni me Artan Lamen, të kthyer me kohën në një hit të rrjeteve sociale, por edhe për shkak se të gjithëve na ka ndodhur të paktën një herë të na kenë thënë ‘pusho’ gjatë kohës që në transmetim shfaqet “Opinion”-i i Fevziut; zgjodhëm që të kemi këtë titull për kopertinën e 20-vjetorit të programit më jetëgjatë (pas atij të Flamur Topit) dhe me më shumë autoritet në Shqipëri.

Nga Eraldo Rexho / Fotot: Pirro Beati

Jam rritur duke parë në televizion Fevziun. Emisioni i tij ka lindur pak pas meje, megjithëkëtë në 20-vjetorin e “OPINION” kam përballë Fevziun dhe një listë me 45 pyetje. 45 për 20, janë pak për shumë.

Në fëmijërinë time, televizioni ishte edukim. Përmes “OPINION”-it shqiptarët kanë mundur të njohin mbretin, mbretëreshën, presidentin, kryeministrat, rrëfime të jashtëzakonshme njerëzish jo fort të zakontë. Unë, jam një prej tyre.

Bëj çdo pyetje që më vjen në mend pa ngurruar dhe pa marrë shtrembërimin e Blendit. Është komod në takim, në përgjigje, në bisedë dhe arrij të kuptoj pse programi i tij, nisur kur ai ishte veçse 28 vjeç ka mundur ta bëjë atë numrin 1.

Kam pasur pështypjen se dirigjon në hije shumëçka. E kam ende dhe pse ai nuk e pranon. E pyes për kohë të sikletshme. M’i rrëfen. Bashkë me rininë e hershme në Tiranë, ku ende i panjohur shoqërohej krejt rastësisht me Ilir Metën, Lul Bashën, Ben Blushin e Andi Bushatin. Vite më vonë ata janë përballë njëri-tjetrit, si vendimmarrës e opinionbërës. Dikush është ligji e dikush “Maliqi”, – në një Tiranë ku zien politika e “OPINION”-i.

E dini çfarë mesazhi i ka ardhur kur i tha Lames “pushooo”? Fevziu e thotë, në një rrëfim pa shkop, por me drejtim të qartë. Bashkë me miqësitë e prera me Berishën a Lubonjën, a me ata që i kanë ikur nga studio, sepse edhe Blendit i ikin nga studio.

Një rrëfim pa dorashka, përfshin edhe kravatat, këpucët e kostumet. Fevziu është bërë ‘ikonë e stilit’, çka s’do ishte imagjinuar. Përtej seriozitetit që kërkon politika ka gjithnjë vend për këpucë të kuqe e orë me të njëjtën ngjyrë, për foto ‘instagram’-i e udhëtime në vende të paeksploruara. Është luksi i të qenit më i miri. Prej atje, Fevsiu sheh prapë qartë dhe rrëfen po aq marrëdhënien me vajzat e gruan.

(Pjesën e parë, mund ta lexosh KËTU)

PJESA 2

Gazetari më i famshëm, por edhe më trendy duhet thënë. Bën lajm kostumi, kombinimi, ngjyra e këpucëve, orat sidomos… Sa i dhënë jeni pas modës?

B.F: Jo ndonjë pasionant i madh. Padyshim që më tërheqin vëmendjen gjërat e bukura!

Sa kostume, këmisha, kollare, këpucë ka në garderobën tuaj?

B.F: Nuk e di, nuk i kam numëruar kurrë. Po më shumë se sa garderobë e imja është garderobë e punës. Dmth është një lloj uniforme që unë e vesh çdo natë.

Ku e bën pazarin Blendi?

B.F: Varet nga lloji i pazarit. Zakonisht ku mundem.

Markat e preferuara? Stilisti i preferuar?

B.F: Nuk kam fiksime. Marka e preferuar është ajo që më rri mirë, ndërsa stilisti ai që më tërheq për momentin.

Sa të pasur ju ka bërë “Opinioni”?

B.F: Më ka mundësuar një jetë shumë të mirë, një jetë që nuk e bën dot kushdo, por pasuria është gjë tjetër dhe më e madhe.

A do ndryshonit diçka 20 vjet më pas, një ide, një platformë, një plan…

B.F: Unë besoj se ne ndryshojmë çdo ditë nga pak. Prezantuesi i sotëm s’ka asgjë të ngjashme me atë të fillimit 20 vjet më parë. Për fat të keq, njerëzit mendojnë si ndryshim vetëm formën dhe jo përmbajtjen. Unë besoj se forma nuk ka nevojë të ndryshojë kur një emision krijon një raport me shikuesin, sepse ai identifikohet me të. Forma ndryshon zakonisht kur dështon.

A jeni penduar për emisionet soft?

B.F: Jo, janë pjesë e jetës dhe shoqërisë shqiptare. Je i detyruar të respektosh edhe ata që shohin dhe i pëlqejnë ato.

Ç’marrëdhënie keni me prezantuesit, artistët?

B.F: S’e di, korrekte besoj. Marrëdhënie kam me miqtë. Nuk është se njoh shumë njerëz.

Ku ndryshojnë ata me politikanët?

B.F: Politikanët kanë më shumë besim në vetvete. Dhe nuk kanë nevojë të ndihen të rëndësishëm. Me artistët ndodh shpesh e kundërta, nuk kanë aq besim tek vetja dhe duan ta deklarojnë në të gjitha format që janë të rëndësishëm.

Cilët vonohen më shumë?

B.F: Politikanët thuajse nuk vonohen kurrë!

Di që jeni shumë i rreptë kur vjen puna për orarin e programit, keni lënë ndonjë jashtë për shkaqe të vonesës?

B.F: Kur emisioni kaloi nga ai strikt politik, 4 herë në javë; kur futëm edhe temat mikse, që në emisionin e parë dy vajza erdhën me vonesë. Ne i lamë jashtë dhe filluam në orarin e caktuar. Kjo ndodhi edhe të nesërmen. Që nga ajo ditë askush s’ka ardhur më vonë dhe në 10 vitet e fundit, “Opinion” edhe kur ka qenë regjistrim, nuk ka nisur kurrë qoftë edhe me 1 minutë vonesë.

Ju jeni i fundit që keni intervistuar personazhe shumë të rëndësishëm të historisë së Shqipërisë… Jeni krenar për këtë?

B.F: Ndër gjërat për të cilat falenderoj shpesh Zotin. E nisa karrierën herët, kur isha vetëm 28 vjeç isha në transmetim dhe pata fatin të intervistoj një pjesë të protagonistëve të historisë së Shqipërisë që nuk kishin folur kurrë.

E keni menduar ndonjëherë mbylljen e “Opinion”, do të vazhdojë ai edhe 20 vitet e ardhshme?

B.F: Një emision që ka nisur spontanisht, jam i sigurtë që edhe mbylljen do ta ketë spontane! Se kur, nuk e di.

20 vite “Opinion”, në një prej fotove të arkivës shfaqej dhe Ines, çka tregon se ajo ju ka ndjekur nga afër dikur, ndërkohë që vitet e fundit ka vendosur të tërhiqet duke mbajtur një profil të ulët publik. Pse kjo zgjedhje?

B.F: Zgjedhje e saja. Nuk i ka pëlqyer asnjëherë publiciteti dhe as postimet në rrjete sociale. Edhe kur kërkoj të postoj foto me të në shumicën e kohës nuk pranon. Mbase është më mirë kështu, se imagjino të kishim të dy protagonizmin që kam unë.

Sa kritike ka qenë ajo ndaj intervistave, temave që trajtonit?

B.F: Zakonisht është gjithnjë kritike. Dikur i shihte më me vëmendje emisionet, por tani që vajza e dytë është ende e vogël kalon më shumë kohë me të.

Çfarë ju ka thënë përshembull kur ju e bëtë ‘të vdekur’ Lamen, duke i thënë “pusho”?

B.F: Mbaj mend që më çoi një mesazh ku thoshte pak e shumë: Je jashtë kontrollit, qetësohu. Nëse nuk e mban dot veten fut reklamë që të relaksohet situata. Kuptohet që unë e pashë pasi kishte mbaruar emisioni. Shumë më vonë.

Po Mishel i ndjek programet tuaja, e jep ajo sot ‘opinionin’ e saj mbi “Opinionin” e babit?

B.F: Jo, nuk besoj. Ose mua nuk më ka thënë asnjëherë gjë. Madje e bezdis fakti që kur jam me të qëllon të më ndalojnë për foto. Dhe kur dalim bashkë ecën një hap para që mos ta shohin me mua.

I keni treguar asaj se kur keni rënë në dashuri për herë të parë? Çfarë i keni thënë?

B.F: As më ka pyetur dhe as ja kam thënë. Nëse do më pyeste do i tregoja që ka ndodhur në vitin e dytë të gjimnazit (qesh). Po histori shumë e vjetër.

Çfarë bisedash bëni me vajzën? Çfarë diskutohet tjetër në shtëpinë tuaj?

B.F: Absolutisht po ato biseda që bëhen edhe në çdo shtëpi tjetër. Veç faktit që duke qenë shumë i zënë qëllon që unë i shtyj ca biseda me ditë, sa Inesi lodhet. Kur jam me miq, zakonisht ka shumë biseda politike. Por jo vetëm për politikën shqiptare.

Ka jo pak raste kur edhe ju sulmoheni në komente, nga njerëz që më së shumti zgjedhin të jenë anonim, shqetësohen pjesa tjetër e familjes?

B.F: Deri tani jo. Kam përshtypjen që ata e dinë që unë s’kam asnjë lloj emocioni ose reagimi ndaj komenteve, ngado që të vijnë ato. Shpesh qesh ose tallem se më argëton fakti që dikush rri mendon për ty dhe merret me ty, kur ty s’të intreson fare kush është ai. Zakonisht edhe as i lexoj, por edhe kur më del ndonjë e lë aty ku është. Një herë në emision lexova gjithë komentet kundër meje, ato më me mllef, përballë Ramës. Kjo është gjëja që më argëton më shumë. Por nëse do merrja kritika nga ato 5 – 6 vetë që unë i vlerësoj dhe i konsideroj miq dhe seriozë, realisht do të më dhimbte!

Keni mbyllur një verë shumë aktive me pushime, ku ishit këtë herë?

B.F: Unë bëj 3-4 destinacione të largëta në vit. Ai i verës është një miksim mes qytetit dhe plazhit. Këtë verë isha në një ishull mjaft interesant të Karaibeve që quhet Turk and Caicos. Meqenëse unë pëlqej shumë zhytjen në det, ai ishte një destinacion i përshtatshëm për këtë gjë. Plus një ndalesë në Nju Jork. Por lëviz shumë edhe nëpër Europë në verë. Disa destinacione në Greqi, Francë apo Itali.

Dukeni shumë i lidhur me vajzën e vogël, sa kohë shpenzoni me të?

B.F: Asnjëherë sa do doja, por shumë më tepër se sa me vajzën e parë. Besoj që kaloj kohë me të.

Si reagon ajo kur ju sheh në ekran?

B.F: Ka një video në instagram që kur më sheh më thërret dhe pastaj mërzitet që unë nuk i përgjigjem. Ndërsa kur ka qëlluar që kam qenë aty, thjeshtë sheh e çuditur dhe qesh. Tani kur e pyesin ku punon babi, tregon me gisht televizorin! / revistawho.com

lexo më shumë

NË KOPERTINË / Blendi Fevziu: 20 vitet e “Opinion”, intervistat më të vështira, miqësitë e prishura dhe politikanët që i njoha pa nisur programin

IMG_3953

“Pushooo… Po flet Fevziu!” Jo vetëm për shkak të batutës së tij gjatë një emisioni me Artan Lamen, të kthyer me kohën në një hit të rrjeteve sociale, por edhe pse të gjithëve na ka ndodhur të paktën një herë të na kenë thënë ‘pusho’ gjatë kohës që në transmetim ka qenë “Opinion”-i i Fevziut; zgjodhëm që të kemi këtë titull për kopertinën e 20-vjetorit të programit më jetëgjatë (pas atij të Flamur Topit) dhe me më shumë autoritet në Shqipëri.

Nga Eraldo Rexho / Fotot: Pirro Beati

Jam rritur duke parë në televizion Fevziun. Emisioni i tij ka lindur pak pas meje, megjithëkëtë në 20-vjetorin e “OPINION” kam përballë Fevziun dhe një listë me 45 pyetje. 45 për 20, janë pak për shumë.

Në fëmijërinë time, televizioni ishte edukim. Përmes “OPINION”-it shqiptarët kanë mundur të njohin mbretin, mbretëreshën, presidentin, kryeministrat, rrëfime të jashtëzakonshme njerëzish jo fort të zakontë. Unë, jam një prej tyre.

Bëj çdo pyetje që më vjen në mend pa ngurruar dhe pa marrë shtrembërimin e Blendit. Është komod në takim, në përgjigje, në bisedë dhe arrij të kuptoj pse programi i tij, nisur kur ai ishte veçse 28 vjeç ka mundur ta bëjë atë numrin 1.

Kam pasur pështypjen se dirigjon në hije shumëçka. E kam ende dhe pse ai nuk e pranon. E pyes për kohë të sikletshme. M’i rrëfen. Bashkë me rininë e hershme në Tiranë, ku ende i panjohur shoqërohej krejt rastësisht me Ilir Metën, Lul Bashën, Ben Blushin e Andi Bushatin. Vite më vonë ata janë përballë njëri-tjetrit, si vendimmarrës e opinionbërës. Dikush është ligji e dikush “Maliqi”, – në një Tiranë ku zien politika e “OPINION”-i.

E dini çfarë mesazhi i ka ardhur kur i tha Lames “pushooo”? Fevziu e thotë, në një rrëfim pa shkop, por me drejtim të qartë. Bashkë me miqësitë e prera me Berishën a Lubonjën, a me ata që i kanë ikur nga studio, sepse edhe Blendit i ikin nga studio.

PJESA 1

20 vjet më pas, a keni bërë një bilanc me veten, ku jeni dhe ku do donit të ishit?

B.F: Jo! Kur emisioni nisi, nisi si diçka e shpejtë dhe e përkohshme. Nuk mendoja që do shkonte më shumë se një sezon, por sivjet mbushi 20 të tilla. Nuk bëhen asnjëherë bilance për gjëra që kanë ecur pa plan!

Si do të jetë festa e jubileut të “Opinion”? Sa të ftuar, detajet?

B.F: Ka një keqkuptim, të gjithë mendojnë për pritjen dhe e quajnë atë një festë. Më shumë se sa ajo, “Opinion” do të ketë një transmetim maratonë për afro 20 orësh, ku do synojmë të sjellim gjithë rrugëtimin tonë, duke vënë theksin tek kritika ndaj vetes dhe autoironia. Pritja do jetë vetëm një detaj i kësaj maratone, as 10 % e saj. Por meqë doni detaje, pritja do jetë një mbledhje e protagonistëve të emisioneve tona, nga Shqipëria, Kosova e Maqedonia, afro 600 vetë që do jenë të Ballkonin e Korpusit Qëndror të Universitetit. Do jetë pritje, emision, e njëkohësisht edhe një panair i madh i kulinarisë dhe verës shqiptare. Shefat më të mirë në vend, edhe ata shumë herë protagonistë në emision, do servirin produkte shqiptare të stilizuara ndërsa 5 kantinat më të mira në vend verën e tyre autentike. Transmetimi do të jetë ‘live’ në Shqipëri, Kosovë dhe Maqedoni.

Shfletova foto dhe lajme për “Opinion”, e keni nisur në një studio modeste (shumë të mirë për kohën),  kishit dhe flokë madje…Sa e lodhshme është të merresh me politikën dhe politikanët shqiptarë?

B.F: Për një gjë jam i sigurtë, është shumë më e lehtë se sa të merresh me njerëzit e shoubizit. Në 20 vjet emision asnjë politikan, kurrë nuk ka ardhur me vonesë të pajustifikuar. Kur nisëm emisionet pak më të hapur, që emisionin e parë dy këngëtare erdhën me vonesë dhe ngelën jashtë studios. Politikanët janë të ashpër, por nuk kanë teka. Mbi të gjitha, kanë shumë më tepër sens realizmi se sa njerëzit e spektaklit.

A të jep famë politika, cilado qoftë forma e angazhimit me të – edhe si gazetar – a besoni se do ishit gazetari më i famshëm në Shqipëri sikur “Opinion” të mos ishte emision politik, por i një zhanri tjetër?

B.F: Nuk e di këtë, nuk e kam menduar kurrë. Pastaj çfarë është fama Eraldo? Ç’famë mund të ketë një njeri në një vend me 2 milion banorë, ku të gjithë njohin njëri-tjetrin. Ku o janë kushërinj o komshinj. Kjo puna ë famës vlen për ca vende ku ata që sheh në tv nuk i sheh dot kurrë në rrugë, por jo këtu.

Blendi, ideatori dhe drejtuesi i “Opinion”, a ka përfituar në një formë apo në një tjetër nga politika? A ka humbur prej saj?

B.F: Ky është një raport dhënie dhe marrjeje. Kanë ndodhur padyshim të dyja, kam dhënë dhe kam marrë nga politika.

Kohë pas kohe ka pasur legjenda urbane që Blendi Fevziu ka pushtet tek politikanët e rëndësishëm, se i dëgjohet fjala, se sugjeron njerëz në poste të larta… A ka ekzistuar me të vertet ky lloj pushteti për Blendin?

B.F: Jo, nuk besoj. Dhe as më është dashur. Opinione mund të kem dhënë, por jo vendime. Por prania në emision dhe suksesi në të ka ndikuar në karrierën e shumë njerëzve!

Sa ndikim keni ju në politikën që bëhet sot?

B.F: Unë personalisht nuk besoj. Emisioni padyshim që ka ndikimin e tij. Lidhur me temën që zgjedh, audiencën që ka dhe trajtimin që bën.

A jeni ju i vetëdijshëm për ndikimin që keni?

B.F: Nuk e kam menduar këtë gjë asnjëherë. Unë bëj emisionin. Mundohem të jetë më i miri dhe më i pari. 4 vjet më parë, një ekip amerikan i kontraktuar nga një parti politike nënvizoi në fokus grupe faktin që shumë prej atyre që pyeteshin kishin si bisedë dite diskutimin e një natë më parë në Opinion. Kjo ishte hera e parë që ne kuptuam ndikimin që ka emisioni.

Si i ruani balancat mes pozitës dhe opozitës?

B.F: Si puna a tij akrobatit që ecën në tel. Më parë ka qenë më e vështirë. Tani e kemi shumë më të thjeshtë.

Sa miqësi kanë lindur me personazhet që keni intervistuar?

B.F: Fjala miqësi është shumë e madhe. Unë besoj se miqësia e vërtetë është ajo e viteve të gjimnazit dhe fakultetit ku ti shoqërohesh thjesht nga dëshira dhe pa asnjë influencë interesi. Nuk di të them miqësi, por me shumë prej atyre që kam intervistuar kam pasur raporte shumë të afërta. Disa prej tyre i kam njohur shumë shumë mirë.

Sa prej atyre që keni intervistuar i keni njohur përpara se të ishit Blendi Fevziu i “Opinion”?

B.F: Shumë prej tyre. Ka personazhe të rëndësishëm sot, që i kam njohur si shokë klase apo si miq të Tiranës së fundviteve ’80 dhe fillimit të ’90. Ilir Meta ka qenë një prej tyre. Banonim në një lagje dhe qëllonte që shkonim në shkollë bashkë. Ben Blushi ka qenë miku im më i afërt i studimeve dhe një mik i rëndësishëm edhe sot. Andi Bushati po ashtu. Sokol Olldashin e kam njohur kur erdhi student në Tiranë dhe Lulzim Bashën kur ishte gjimnazist tek Sami Frashëri. Ka shumë të tjerë që i kam njohur pa mbërritur në studion time dhe pa i njohur publiku. Thashë edhe më lart, vend i vogël ky…

A keni humbur miq për shkak të “Opinion”?

B.F: Po, në shumë raste!

Kush janë këta shumë?

B.F: Kur them shumë ka mjaft emra. Ka njerëz me të cilët distancohesh dhe nuk ke më frekuetimin e parë. Ka të tjerë me të cilët nuk komunikon më. Si rasti i Berishës.

Berisha dhe Lubonja, do të jenë pjesë e 20-vjetorit? Të vjen keq që ata kanë vendosur t’i thonë JO studios tënde?

B.F: Padyshim që do të jenë. Kanë konfirmuar të dy intervista me këtë rast dhe në transmetimin tonë do jenë. Padyshim që më vjen keq për të dy, por ka qenë vendimi tyre. Kur vendimin e dikujt nuk mund ta ndikosh dhe ndryshosh, duhet ta respektosh. Kjo po ndodh edhe në raportin tim me ta.

Intervista më e vështirë që keni bërë këto 20 vjet?

B.F: Ka shumë të tilla. Sidomos prej rrethanave. Mbaj mend në 2002 në një moment shumë delikat një intervistë me Ali Ahmetin. E takuam më Malësinë e Tetovës dhe rrugës ndërruam disa herë makina. Rruga ishte plot me ushtarë që kërkonin pikërisht Ali Ahmetin. Kasetën e futëm thellë në makinë dhe arritëm të dalim në Kosovë. Një tjetër ka qenë ajo me Mbretëreshën Geraldinë në Afrikën e Jugut në 1999. Ajo e ndërpriste shpesh intervistën për të vendosur maskën e oksigjenit. Unë doja të merrja sa më shumë, dhe ajo po më jepte sa mundej. Nuk do ta harroj kurrë mundimin e asaj gruaje fisnike, por edhe kënaqësinë që po fliste për një televizion në Shqipëri.

Intervista për të cilën ju është dashur të përgatiteni më shumë?

B.F: Çdo intervistë. Sidomos ato politike. Intervista është gjinia më e vështirë e medias vizive. Për një intervistë të mirë të duhen së paku 4 – 5 ditë kohë.

Personazhin më të vështirë që keni hasur për të futur në studio?

B.F: Për të qenë i sinqertë askush nuk ka bërë të vështirin me ne në “Opinion”. Mund të ketë pasur diskutime apo hatërmbetje, por vështirësi të mëdha asnjëherë.

Ka pasur nga ata që kanë braktisur diskutimin?

B.F: Po, së paku në 3 raste. I pari ka qenë Neritan Ceka që në 2005 iku nga studioja në një debat për kulturën. Më 2015 iku Paskal Milo pas një debati me Mark Markun dhe vjet iku Besnik Aliaj pas një debati me Niko Peleshin.

“Opinion” dhe gezetaria moderne, si rrinë tek njëra-tjetra? Kam parasysh gazetarinë e rrjeteve sociale…

B.F: Ne po i referohemi gjithnjë e më shumë rrjeteve sociale. Ka shumë raste që gjejmë aty personazhe interesantë, apo ide që nuk kanë qenë në vëmendjen tonë. Por mbi të gjitha masim mënyrën se si lëviz interesi i publikut.

Si jeni rritur ju dhe “Opinioni”, sa keni mësuar nga njëri-tjetri?

B.F: Nuk di ta them këtë gjë.

Çfarë do kishit dashur të bënit ndryshe?

B.F: Nuk e kam menduar këtë asnjëherë.

Cili besoni se ka qenë kulmi i “Opinion” këto 20 vjet apo nuk e keni arritur akoma kulmin?

B.F: Jo, unë besoj se ka qenë debati Nano – Berisha në Janar 2002. Isha 32 vjeç atëherë dhe debati pati një jehonë në gjithë botën shqiptare dhe në vendet fqinje, Itali, Greqi. Më shumë se sa falë punës sime ai ishte produkt i rrethanave specifike që vështirë se ripërsëriten më. Ndaj them që ai ishte kulmi!

A keni pishmane që angazhimi në punë ju ka privuar nga jeta personale, nëse ju ka privuar natyrisht?

B.F: Nuk besoj se ka qenë puna që e ka bërë këtë. Nuk kam qenë kurrë i privuar nga jeta familjare, por kam qenë më pak prezent në fëmijërinë e vajzës së madhe. I kam kushtuar më pak kohë, sepse isha më i ri dhe më në lëvizje. Por asnjëherë puna. Unë bëj një emision 4 herë në javë, botoj një libër thuajse çdo vit, udhëtoj dhe shpenzoj goxha kohë më vajzat dhe gruan. Ndaj them që nuk ka qenë emisioni që më ka penguar. (VIJON) / revistawho.com

lexo më shumë

FOTO E PARË / Pushimet e Valbona Selimllarit me tre fëmijët në bregdet

valbona foto

Më në fund erdhi koha që edhe Valbona Selimllari të pushojë. Miss-i i parë shqiptar, ka pasur një verë të mbushur plot me punë, por së fundmi ia ka dalë të ‘vjedhë’ disa ditë relaksi për veten dhe familjen e saj. Në intervistën e fundit për programin “Lart e Poshtë” me Eraldo Rexhon, Bobi tha se nuk ka bërë asnjë plan për këtë vit, por duket se dhe ajo nuk i ka rezistuar tundimit për të pushuar disa ditë në jug. Foto që sjellim sot është shkrepur dhe postuar nga një prej familjarëve të saj, për t’u fshirë brenda pak sekondash, por “RevistaWho.Com” ka mundur ta ruajë përpara se ajo të zhdukej përgjithmonë nga rrjeti. Valbona Selimllari është shumë hermetike kur vjen puna tek fëmijët, sepse siç ka thënë shpesh në intervista, dëshiron që ata ta marrin vetë vendimin për t’u bërë ose jo të famshëm. Javën e ardhshme ajo do të shfaqet në kopertinën e revistës “WHO” me një set fantastik fotosh dhe me copëza shumë të bukura rrëfimesh, të cilat nuk duhen humbur. Ndaj na ndiqni! / revistawho.com

lexo më shumë

FOTOT/ Zbulohen detajet, ja kush është pasaniku që i rrëmbeu zemrën Laura Nezhës

cani

Muaj më parë në media qarkulluan fotot e aktores e këngëtares bukuroshe Laura Nezha, përkrah një djaloshi. I riu zeshkan e shoqëroi Laurën në hapjen e restorantit të mikut të saj Renato Mekolli. Prej atëherë nuk u fol më për këtë histori. Po ndonëse në hije, lidhja e dy të rinjve vazhdon mrekullisht. Ditën e djeshme Laura ishte e ftuar në dasmën e miqve të saj, e sigurisht që i dashuri e shoqëroi edhe në këtë rast. Ata duken shumë të bukur bashkë, siç shihet edhe në foton e publikuar nga kolegia e Laurës, aktorja e “Portokalli”-së Delinda Zhupa. Po kush është i riu simpatik që i ka rrëmbyer zemrën biondes seksi?! Burime të “revistawho.com” tregojnë se bëhet fjalë për një pasanik nga kryeqyteti. Ai quhet Hasan Jero rreth 28 vjeç, dhe zotëron disa prona në qendër të Tiranës, ku edhe banon. Nuk dihet se prej sa kohësh vazhdon lidhja midis të dyve, por shihet qartazi se ata kanë një marrëdhënie serioze. Urojmë sa më shpejt të mësojmë për fejesën a dasmën./ revistawho.com

lexo më shumë

FOTO PAPARACI/ Ilir Beqaj në versionin “kaubojs”, shijon “sukseset në jetë” në Drimadhe

20668655_1816262831724183_487155328_n

Pas një viti të ngarkuar pofesionalisht por edhe emocionalisht (kujtojmë këtu skandalin e shkarkimit të drejtorit me batutën “suksese në jetë” e më vonë largimin nga detyra si ministër), “i gjati numër 2” i Partisë Socialiste po relaksohet në jug. Paparaci ynë ka fotografuar ish-Ministrin e Shëndetësisë Ilir Beqaj, teksa shijon verën në Drimadhe. Me një kapele kauboj, Beqaj u pa të qëndronte më shumë në barin pranë bregut se në shezlong, për të evituar disi vapën e madhe të këtyre ditëve. E si një kaubojs i vërtetë, ai rrethohej vetëm nga burra e djem. Beqaj duket se po mbledh energjitë e nevojshme për të tjera “suksese” në qeverinë e ardhshme të Ramës, ndonëse ende nuk dihet ende nëse kryeministri do t’i besojë një post në të./ revistawho.com

lexo më shumë

Hedh pas krahëve divorcin e konfliktet me Sajmir Çilin, Suela Kalaja nis jetën e re me biznesmenin

suela

Lista e gjatë e lajmeve mbi divorcin apo konfliktin e ish-çiftit të artistëve Suela Kalaja e Sajmir Çili, sapo mori një kthesë të papritur. Këngëtarja e psikologia simpatike hodhi pas ditët e hidhura të vitit të fundit, për të nisur këtë verë një jetë të re e të lumtur. Suela Kalaja është zyrtarisht çift. Burime pranë këngëtares konfirmojnë për “revistawho.com” nisjen e marrëdhënies së saj të re, duke na zbuluar se bëhet fjalë për diçka serioze. Zotëria që shikoni në foto është një sipërmarrës që punon prej vitesh në Itali, por nuk dihen të tjera detaje rreth tij. Ndërkohë Kalaja ishte prej kohësh e divorcuar dhe jetonte me të bijën Isea në një banesë me qira në kryeqytet. Historia e divorcit me Sajmir Çilin u trajtua gjatë në media për shkak të akuzave për dhunë nga ky i fundit, të cilat më vonë u rrëzuan nga gjykata duke e shpallur Suelën të pafajshme. Por këto tani do t’i mbeten të kaluarës, pasi për Suelën ka nisur gjithçka nga e para. Sigurisht edhe për vajzën e saj, e cila pas ndarjes së prindërve ka qëndruar me të ëmën. Urime çiftit./ revistawho.com

lexo më shumë

INTERVISTA/ Silva Gunbardhi: Unë paguhem më shumë se Dafi, ja si do t’ia tregojmë publikut dashurinë tonë

who silva-01

Fotot: Orsola Mema

Silva Gunbardhi është një këngëtare e dashur e gjithnjë ka pasur pas vetes një numër të madh njerëzish. Por na duket se sidomos në këtë periudhë, pasi u bë bashkëshorte e nënë, ajo ka fituar edhe më shumë zemra. Tejet e hapur me median, tanimë rrëfimet e Silvës nuk janë më ato të një vajze të talentuar që tregon për klipet e reja, por fjalët e një nëne të lumtur që ndan detaje nga jeta familjare. E sa më reale dhe e thjesht është ajo, aq më pranë e ka publikun. Ndaj ne e zgjodhëm për këtë kopertinë. Por nuk është kjo arsyeja e vetme… Si një prej çifteve më të pëlqyer, Silva Gunbardhi e Dafi Derti kanë vendosur të shprehin dashurinë për njëri-tjetrin në sytë e të gjithë botës. Se si dhe kur do të ndodhë kjo, duhet të lexoni intervistën për ta zbuluar.

Silva, Dalvi ka pak që mbushi 2 vjeç, si kanë qenë për ty këto dy vite?

E shoh që rritet përditë, që thotë çdo ditë fjalë të reja, që luan me lodrat, që ta nxin jetën duke e ushqyer (qesh). Megjithatë ai është një dashuri e vërtetë! Ma shton jetën!

Po kjo verë, si po të shkon? Më shumë po punon apo po pushon?

Kjo është një verë shumë e ngarkuar me aktivitete. Jemi pothuajse çdo ditë në lëvizjë dhe nuk po bëjmë aspak pushim.

Si e ke axhendën e koncerteve sivjet?

Shumë të njeshur! Koncertet janë organizuar pothuajse në çdo ditë të javës, përgjatë verës. Kam përpara dy muaj shumë intensivë. Nga fundi i shtatorit besoj, do të kem mundësi të marr pak kohë për veten.

Ke kënduar apo do këndosh në ndonjë vend të ri që s’kishe perfomuar më parë, apo s’ke lënë cep të Shqipërisë pa prekur?

Faktikisht nuk kam lënë cep të Shqipërisë pa prekur. Por në këtë periudhë koncertet janë të përqendruara në zonat bregdetare e turistike, atje ku mblidhen edhe njerëzit. Pra ne shkojmë me koncerte kryesisht atje ku ka pushues.

Në koncerte ju ftojnë gjithnjë çift apo edhe vetëm? Kush paguhet më shumë, ti apo Dafi?

Shkojmë edhe çift, por unë shkoj edhe vetëm. Varet nga ftesat. Më shumë paguhem unë normalisht (qesh). Kjo është e vërteta.

Nga deklaratat e tua të mëparshme, është dukur sikur nuk je e kënaqur me fitimet… Mos të kanë keqkuptuar pakëz?

Njeriu nuk kënaqet kurrë me lekë dhe ju e dini shumë mirë këtë gjë. Të gjithë në fakt e dinë mirë se njeriu nuk ngopet kurrë me lekë. Po rëndësi ka të kemi shëndetin, të jemi mirë, të kemi harmoninë, lumturinë në familje. Kjo është gjëja më e rëndësishme. Pra gjithçka ka qenë thjesht një keqkuptim. Unë jam shprehur se nuk kam pasur mundësi për shkak të kohës që të shkoj të vizitohem, dhe njerëzit e kanë marrë sikur unë nuk kam mundësi që të bëj një vizitë. Kjo është e tmerrshme, por ja që ndodhi. Nejse, çdo gjë sqarohet me kalimin e kohës.

Vërtetë keni aq shumë makina e celularë? (Referuar fotos së publikuar nga Dafi në Instagram)

Kemi dy makina, një unë e një Dafi dhe na mjaftojnë. Ndërsa makinat në klipe shpeshherë janë të njerëzve të afërt ose i siguron produksioni. Varet. Në fakt mua nuk më pëlqejnë klipet me makina dhe po t’i shikoni, klipet e mia nuk kanë makina.

Po prodhon këngë të reja, na trego pak për materialin më të fundit.

Materiali më i fundit titullohet “I love you” (Të dua). Mendoj që është kënga më e bukur e repertorit tim. është bërë një investim shumë i madh për klipin e saj. Videoklipi ka detaje, ndërsa kjo këngë ka shumë dashuri, ashtu si vetë titulli “I love you”. Këngën e kam në bashkëpunim me Dafin dhe besoj se javës tjetër del në tregun muzikor.

A mendon se do arrijë dot një tjetër këngë e jotja të ketë suksesin e “Të ka lali xhan”?

Asnjëherë nuk e kisha menduar që kënga “Të ka lali xhan” do të arrinte këtë sukses. Sigurisht që nuk mund ta di nëse ndonjë këngë e imja do të ketë të njëjtin sukses apo edhe më tepër se kjo këngë. Se e mira nuk ka fund. Gjithsesi unë do të vazhdoj të punoj, të krijoj këngë të reja. Nuk i dihet.

Dalvi ka shfaqur deri tani ndopak talent për muzikë? Këndon i vogli?

Dalvi e ka me periudha, herë këndon e herë jo. Akoma s’e përcaktojmë dot se çfarë ka dëshirë të bëjë, është herët. Po ka shumë qejf futbollin. I pëlqen të gjuajë topin.

Ti çfarë i këndon për ta vënë në gjumë?

Ne nuk i këndojmë për ta vënë në gjumë. Ka një periudhë kohe relativisht të gjatë që nuk e vë më unë në gjumë, për shkak të aktiviteteve. Ai fle me nënën time dhe nuk i këndojmë, e lëmë të flejë vetë.

T’u desh shumë për të ardhur në formen që je sot? Ndoqe ndonjë dietë?

Po. Për të ardhur në formën që kam sot m’u desh shumë përpjekje. Nuk kam bërë palestër por kam mbajtur dietë. Nuk kam ngrënë, pra kam kursyer në të ngrënë. Thjesht kam lënë mënjanë ushqimin. Kështu jam dobësuar dhe me vrap pas Dalvit normal./ revistawho.com

lexo më shumë
1 2 3 9
Page 1 of 9