close

Vetëm në WHO

Gjithçka duhet të dini për trajtimin me plazmë, nga kohëzgjatja, rezultatet e deri tek çmimi

18678894_120332000969768416_95194820_n
Nga Migena Gega – Dermatologe / SkinTechDermaCenter

PRP i referohet “plazmës së pasur me trombocite”, e cila prodhon një efekt rinues dhe elasticizues në lëkurën tuaj. Terapia me PRP përdor plazmën e pasur me trombocite (plazmën dhe trombocitet tuaja të marra nga një kampion gjaku vetjak), për të stimuluar kolagjenin dhe për të përmirësuar dukjen e lëkures dhe elasticitetin e saj. Është një trajtim shumë i rëndësishëm për lëkurën, sidomos në zonën rreth syve, qafë, dekolte, gjithë fytyrën dhe duart. Përgjithësisht nevojitet një trajtim në muaj për 3-4 muaj.

Trajtimi zgjat 1 orë. Një protokoll i plotë trajtimi përfshin 3-4 seanca me distancë kohore deri në 1 muaj, dhe rezultatet mund të mirëmbahen me një trajtim në 6-12 muaj, në varësi të specifikave të lëkurës.

Është një trajtim shumë i sigurt, pikë së pari sepse përdoret gjaku juaj, kështu që nuk ka shanse për ndonjë reaksion alergjik, ose efekte anësore serioze. Gjithsesi krahasuar me botox-in, kjo terapi ka një periudhe rekuperimi post-procedurës më të zgjatur. Ënjtja dhe skuqja në zonat që injektohet është e zakonshme, dhe mund të bëhet akoma me e dukshme në zonën përreth syve, zakonisht për 24 orët e para. Pak nxirje e lëkurës, është gjithashtu e pritshme, e cila mund të mbulohet me make-up 24 orët e para, dhe mund të zhduket gradualisht pas 1-2 javësh.

Çfarë është terapia me plazëm?

Plazma e pasur me trombocite merret nga gjaku juaj. Trombocitet janë rruazat e gjakut që ndalojnë hemorragjinë kur ju vriteni. Funksioni tjetër i tyre është të promovojnë shërimin e shpejtë të plagëve duke aktivizuar qelizat e rritjes. Procedura kryhet duke marrë një sasi të vogël gjaku nga trupi juaj (ashtu siç bëhet në marrjen e një analize të zakonshme gjaku), dhe duke e vendosur atë në një proces centrifugimi (me aparatura te posaçme), për të ndarë rruazat e kuqe të gjakut nga trombocitet apo pllakëzat e gjakut. Kjo PRP që centrifugohet, injektohet më pas në lëkurë, me një sërë injeksionesh të vogla.

Trajtimi me PRP është diçka që njihej edhe më parë në botë, si terapi efikase për të bërë përshpejtimin e shërimit të plagës në kirurgji dhe në traumat sportive.

TERAPIA ME PLAZËM ËSHTË IDEALE PËR:

– Rrudhat

– Përmirësimin e dukjes së lekurës

– Lëkura e thatë pa shkëlqim

– Stimulimin e rritjes së flokut, rënien e flokut dhe flokët e hollë

ZONAT KU PËRDORET MË SHPESH:

Gjithë fytyra

Qafa

Zona përreth syve

Dekolteja

Duart

SA KOHË ZGJAT REZULTATI ME PRP?

Rezultatet e trajtimit variojnë, por në momentin që indi rigjenerohet, ky rezultat mund të jetë i përhershëm. Megjithatë ndërsa ne plakemi, problematika bëhet më e shprehur, dhe mund të duhet një mirëmbajtje e cila mund të bëhet 1 herë në 9-18 muaj.

SI TË PËRGATITEMI PËRPARA TERAPISË ME PRP

Nëse doni rezultat është mirë të evitoni duhanin. Mos përdorni drogëra, evitoni alkolin e tepërt, dhe në mënyre absolute mos pini aspirinë dhe medikamente te ngjashme si Nurofen, Ibuprofen dhe Voltaren 2 javë përpara trajtimit dhe 4 -6 javë pas. Në qoftë se merrni suplemente nga goja me omega3, duhet t’i ndaloni në të njëjtën periudhë si medikamentet e sipërpërmendura.

SA KUSHTON NJË SEANCË

Një seancë kushton 100-150 euro në varësi të kombinimit ose jo me dermapen (aparaturë që përdor mikrogjilpëra njëpërdorimëshe, për një rezultat më të mirë).

REZULTATET PAS PROCEDURËS

Menjëhere pas procedurës, ju do të ndjeni ënjtje nga injektimi i likidit. Pas disa javësh, trombocitet stimulojnë faktorët e rritjes, dhe ju do nisni të shihni efektin në lëkurën tuaj. Qafa reagon më me vonesë se fytyra. Përdorimi i mikrogjilpërave rrit rezultatin. Një aparaturë me age të vogla (dermapen) ose dermaroller, mund të përdoret në momentin e terapisë. Nëse ju konsumoni shumë alkool, duhan, ose lloje të ndryshme drogërash, përmirësimi i lëkurës tuaj është minimal.

Rrudhosja shumë e shprehur dhe çikatriçet e rënda mund të reagojnë më me vonesë, apo të kërkojnë procedura të tjera estetike për rezultat të kënaqshëm.

KUSH NUK MUND TË PËRDORË PRP

Personat që abuzojnë me alkool, duhan apo drogëra të tjera. Ky trajtim nuk rekomandohet gjithashtu për personat me sëmundje të gjakut, probleme të mpiksjes së gjakut, gjendje septike apo infeksioni, sëmundjet kronike, gjendjet kanceroze apo sëmundje shumë të shprehura të mëlçisë. Personat që përdorin preparate të tilla si aspirina, ëarfarina, Plavix (clopidogrel), Perantinë apo Cyclokapron, nuk janë kandidatë për këtë procedurë.

Është shumë e rëndësishme që të flisni përpara procedurës me mjekun që do të kryejë procedurën, të informoheni shumë mirë për efektet anësore të mundshme, të bëni pyetje në rast paqartësie, si dhe plotësimi gjithnjë i fletës së konsensusit.

 

lexo më shumë

EKSKLUZIVE/ Andrra dhe Sinani festojnë ditëlindjen e parë të Ansit (FOTOT+DETAJET)

18685482_120332000986900215_1180890481_n

Foto të realizuara nga Altin Çelmeta

Sot ka festë në Tiranë. Vogëlushi i këngëtarit Sinan Hoxha dhe bashkëshortes së tij bukuroshe Andrra feston ditëlindjen e parë. Ne po iu sjellim ekskluzivisht në “revistawho.com” fotot dhe detajet e para nga ditëlindja. Sinani dhe Andrra kanë mbledhur miq e familjarë në një restorant me emër në zonën e Dajtit, në kryeqytet. Të pranishëm janë edhe shumë personazhe të famshëm shqiptarë.

Në festën e organizuar bukur nga “Ami Event” plot ngjyra e lojëra për fëmijët, janë të ftuar njerëz të njohur si Amarda Toska e Ermal Mamaqi, Soni Malaj, Eneda Tarifa, Rovena Dilo, Elona Duro, Valbona Mema, Silva dhe Dafi Derti, Inis dhe Ingrit Gjoni etj. Sigurisht që Mamaqi është kthyer në protagonistin e festës, duke marrë të gjithë vemendjen e fëmijëve. Çifti kanë bërë në rrjetet sociale edhe nga një dedikim për Ansin e tyre, ndërsa siç e shihni edhe nga fotot, ata na sollën sot një nga tablo të mrekullueshme familjare. Andrra duket mahnitëse!

DEDIKIMET

“Kam gjithçka kam dashur në jetë”, ka shkruar Sinani krahas një fotoje shumë të bukur. Ndërsa mami Andrra ka dashur të shprehë shumë më tepër. Lexoni më poshtë dedikimin e saj.

“Lajmi i ardhjes tëndë në jetë ishte vula me vlerë të panumërt e dashurise që na mbështillte mua dhe babin tënd.Ndonëse rrugëtimi i njohjes dhe kurorëzimit tonë ishte i mbushur me emocione të pakufijta e thellësisht të ndjera, asgjë s’ishte e barasvlefshme me lajmin që na mbushi jetën në mënyrë të papërshkrueshme. Teksa ti frymoje brenda meje,përpiqesha të të imagjinoja në tërësinë tënde e thurja ëndrra të pafundme për ty.Mëngjesi me zgjonte me mendime për ty e nata mbyllej me dorën mbi barkun që brenda kishte mrekulline time. Ditët i linin rradhën njëra-tjetrës, barku rritej e unë çdo ditë e më shumë të ndjeja në pafundësinë time. Babi yt erdhi në Gjermani për të mbajtur koncertin e rradhës sëbashku me kolege të tij. Përgjatë të gjithë koncertit, ndonëse tingujt ishin të forte, dukej sikur kjo situate s’të shqetesonte aspak e ti njësoj si çdo ditë flije në barkun tim. Ama, sapo ai preku skenën e mori mikrofonin për të kënduar vargjet e para, ti në atë çast me dhe gjurmën tënde të parë, GODITJEN TËNDE TË PARË! E shoh të kotë të vazhdoj të shkruaj për Mrekulline e 8-të tonën. Ti je fryt i dashurisë sonë dhe Diell i pashtershëm që çdo ditë e më shumë rrezaton jetët tona.25.05.2016. Kjo është data që shënoi jetën time e të babin tënd. Ahhhh sa shumë ndiej e sa pak mund të shkruhet për ty…Ti je jetë që jetës sime i jep jetë. Nuk ka lumturi më të madhe e më të prekshme teksa shoh që unë dhe babi yt, jemi përfshire me gjithsej tek ty. Trekëndeshi Sinan-Andrra-Ansi ishte gjithçka që unë kisha ëndërruar në jetë!/ revistawho.com/

 

lexo më shumë

FOTO PAPARACI/ Dy bukuroshet e famshme nga Tirana, nisen për në Kanë…

irena

Këto ditë në Kanë janë mbledhur yje nga e gjithë bota, duket dhuruam imazhe të mahnitshme në tapetin e kuq. Atyre sot do t’iu bashkohen edhe dy yje shqiptarë. Dy vajza të famshme e shumë të bukura janë fotografuar në avion teksa fluturojnë drejtë Kanës. Ato janë prezantuesja e “Top Channel” Albana Osmani dhe blogerja e suksesshme Irena Kita. Tani në albumet e fotove të Kanës do të presim për të komentuar edhe dukjen e bukurosheve tona./ revistawho.com

lexo më shumë

EKSKLUZIVE / Zbulohet emri i djalit të Bietës dhe Albanit, lumturia ulet këmbëkryq në familjen Dudushi

albanbieta00003

“Prej një jave, lumturia është ulur këmbëkryq në shtëpinë tonë”… Kështu e nis rrëfimin e saj përmes telefonit Bieta Sulo, nëna më e re e ekranit. Mes frymëmarrjeve të lehta dhe zërit pothuaj pëshpërimë, ajo që tani mban botën në duar, e ka të vështirë t’i gjejë fjalët për të përshkruar këto ditë gëzimi. Teksa i vogli fle dhe buzëqesh në gjumë, partnerja e Alban Dudushit, zbulon në një bisedë ekskluzive me ‘RevistaWho.Com‘, emrin e të birit dhe domethënien e këtij emri, si dhe ndan momente nga alegria që ka pushtuar strehën e tyre të re, në të cilën u shpërngulën pak ditë përpara se i vogli të vinte në jetë. Tanimë një shtëpi ku e qara e një fëmije ngazëllen me agimin, por edhe pas mesnate kur qyteti fle, e ata rrinë zgjuar me të voglin, nga dhoma në sallon, duke mbajtur në duar krijesën e tyre.

“Djali quhet Kroi Art Dudushi dhe në përzgjedhjen e tij kemi kontribuar të tre nga pak; unë, Albani dhe Joelle”, – thotë Bieta, e cila na zbulon se për të arritur në këtë emër final, kaluan disa ditë negociatash. “Albani dhe Joelle ishin më shumë fansa të Kroi-t, që është një emër 100% shqiptar dhe që mua më pëlqente shumë, por që gjithsesi më përzemër kisha Art-in, një emër sa shqiptar aq edhe ndërkombëtar… Ndaj, në fund, pas disa ditësh në ‘tryezën e bisedimeve’ (qesh), vendosëm t’ia vinim të dy emrat dhe mama shpesh herë e thërret KroiArt(ë), duke formuar sërish një emër shqiptar”, – shprehet ajo, e cila na kujton me vendosjen e këtyre dy emrave një traditë të vjetër shqiptare, ’emrin në vesh’, që sot njihet si emri i mesëm, por që dikur ka qenë shumë i përdorur në disa krahina të vendit. Ky rikthim te rrënjët e trashëgimia shpirtërore shqiptare, prehet në dy sy të qeshur që sjellin një botë të re, krejt të paqtë si portreti i foshnjës që kur e përkundin, përkund te ata një krua ndjesish.

Për domethënien e emrit, nuk besojmë se ka vend për shumë sqarime, për sa kohë të dy janë emra shqiptarë, Kroi = krua, që ka sjellë një rrjedhë lumturie në familjen e tij dhe Art = artin, si për të treguar se ai është kryevepra e një marrëdhënieje të gjatë dashurie mes mamit dhe babit. Por familja nuk është e plotë pa Charlie-n, shokun tonë të mirë, që njësoj si gjatë setit fotografik për kopertinën e ‘RevistaWho.Com‘ (gati një muaj më parë LEXO KETU INTERVISTEN E KOPERTINES), edhe sot vijon të jetë roja personale e Kroi Art-it. “Fle poshtë krevatit të tij dhe më shoqëron mua gjithmonë tek e përkund nëpër shtëpi djalin”, – përfundon Bieta, me gëzimin që i lexohet në çdo fjalë që nxjerr.

Tashmë familja Dudushi ka një trashëgimtar dhe prej tij janë të gjithë të mrekulluar. “RevistaWho.Com” i uron jetë të gjatë dhe të lumtur të gjithëve bashkë dhe pse jo, shpresojmë t’i takojmë sërish kur Kroi Art të mbushë 1 vjeç, në kopertinën e radhës me ta. / revistawho.com

lexo më shumë

FOTOT / Ja kush ishin të ftuarit VIP në festën e 3-vjetorit të “WHO”

logo00016

Festa e 3-vjetorit të revistës “WHO” mblodhi në “Vila Toscana” personalitete të të gjitha fushave në një sallë të arreduar plot shije nga “Geraldina Sposa”. Personazhe të njohur të jetës politike si: Monika Kryemadhi, Nora Malaj, Erisa Xhixho, Lajla Përnaska, etj u bënë pjesë e një ambienti ftues që për kryefjalë kishte argëtimin. Dhe kur vjen puna për argëtim, kush më mirë sesa ata, artistët më të famshëm shqiptarë dinë ta ofrojnë atë. Emra si: Manjola Nallbani, Eranda Libohova, Eneda Tarifa, Era Rusi, Rovena Dilo, Eli Fara, Vikena Kamenica, Juliana Pasha, Kejsi Tola, Olta Boka, Sinan Hoxha, Renis Gjoka, Kastro Zizo, Silva Gunbardhi, Greta dhe Eni Koçi, e plot e plot të tjerë u bënë pjesë e festës me magjinë e tyre. Por nuk mbaron këtu gjithçka, personazhe të dashur të ekranit si: Marina dhe Luana Vjollca, Olti Curri, Valbona Selimllari, Holta Dulaku, Ilda Bejleri, Orinda Huta dhe Turjan Hyska, Armina Mevlani, Anjeza Maja, Mira Kazhani, etj, ishin pjesë e gëzimit tonë me energjinë e tyre të mirë… Më poshtë sjellim një galeri të plotë të asaj që ndodhi në festën e “RevistaWho.Com”. (FOTO TE TJERA NE ARTIKUJT PASARDHES) / revistawho.com

Kejsi Tola, Juliana Pasha, Olta Boka Olta Boka Turjan Hyska, Nora Malaj dhe Orinda Huta Maya Rovena Dilo Armina Mevlani Eli Fara Marina Vjollca Era Rusi Era Rusi Armina Mevlani Jeta Faqolli dhe Ela Gjoni Era Rusi Eranda Libohova Ilir Shaqiri Enkeleda Zeko Ambra Meda Xhoi Jakaj Valbona Mema dhe i biri, Elxhin Eneda Tarifa Valentina Marku dhe Ersi Ngjela Klotilda Harka dhe Irena Shabani Nora Malaj Gerta Heta dhe Matko Djarmati Xhulia Karavella Julka Gramo Evisa Muho Sidit dhe Enes Reka Fatma Haxhialiu dhe Aulona Musta Lori Haxhiu Ylli Baka Xhesika Polo Eraldo Rexho, Erion Zeqiraj Isida Mollaymeri, Adrola Dushi Ermelinda Hoxhaj, Klodiana Lala Xhensila pere Erisa Xhixho Kamela Islamaj, Orgesa Zaimi Erisa Xhixho, Monika Kryemadhi dhe Iris Luarasi Eni Jani, Inis Gjoni Roza Lati, Eraldo Rexho dhe Rita Lati Shpat Kasapi dhe Eraldo Rexho Ervin Kurti, Suada Daci, Eraldo Rexho, Kristina Neranxi, Fatma Methasani, Linda Kora Balina Bodinaku dhe SInan Hoxha Albina Gjergji dhe Eraldo Rexho Florian Agalliu me partneren Renisa Shabani dhe Rudi Hizmo Renis Gjoka dhe Kastro Zizo Eneda Tarifa Inis Gjoni dhe Anais Lika
lexo më shumë

Më të bukurat e “Euro Beat” dhe projektet për më pas… Një rrëfim nga Ermal Peçi!

whoooo kopertina ermal peci_Page_1

Gazetar, prezantues, kryeredaktor, Ermal Peçi vjen në një rrëfim në “revistawho.com” për të na treguar mbi programin e tij më të fundit, “Euro Beat”. Ermali shoqëroi me emisionin e tij një prej ngjarjeve më të rëndësishme muzikore të vitit në Europë, moment i veçantë edhe për të gjithë shqiptarët, “Eurovisionin”. Ai riktheu edhe një herë në vemendje, emocionet në skenën e madhe të disa prej artisteve tona më të mira, në përfaqësimet dinjitoze që na kanë bërë ndër vite. Por siç duket “Europa nuk na do”, pasi edhe sivjet me zërin e mirë të Linda Halimit nuk u kualifikuam dot në finale. Ama Ermali na tregon se nuk mjafton të fokusohemi vetëm tek zëri, teksa zbulon edhe projektet e ardhshme në ekran dhe paskuinta.

Rikthehesh në ekran, kësaj here me “Euro Beat”. Si erdhi ky moment te ty, të kishte munguar?

Unë mora një pauzë nga daljet në ekran, por paralelisht vijoj të punoj si kryeredaktor në “INTv”. Kam qenë gjithmonë partizan i nisjeve të reja të mirëmenduara, të panxituara, që ajo që publiku të marrë të jetë kënaqësi më vete.  Sukseset e programeve të mëparshme më imponojnë të punoj për gjëra që ja vlejnë, siç u punua edhe për “Euro Beat”. Në xhirimet e para nuk e mohoj dot, ndjeva që më kishte marrë malli, çka më shtoi më shume dozën e kenaqësisë.

Një program krejtësisht i dedikuar “Festivalit Europian”. Sa e gjen veten në“Euro Beat”?

“Festivalin Europian” e kam ndjekur prej kohësh dhe mjaftoi pak, që drejtuesit e ‘IN’ ta kuptonin këtë, ndaj nuk vonoi ftesa për një program “prime time” rreth ‘Eurovizionit’, që vijon të mbetet eventi më i ndjekur në kontinent. Urimi më i shpeshtë që kam marrë gjatë këtyre javëve ishte “Kush mund ta bënte më mire se ty” ndaj them që jam plotësisht vetja në program. Dhe tani po të doni, flasim për eventin dhe me siguri përfundojmë nesër (buzëqesh). Unë doja që “Euro Beat” të vinte si një gërshetim i materialeve më të veçanta të festivalit dhe eksperiencave të treguara, plot me rrëfime të reja, nga tre përfaqësuese të Shqipërisë, si Kejsi Tola, Olta Boka dhe Aurela Gaçe.

Çfarë do të veçoje nga episodet e realizuara?

Ka shumë histori, ka shumë ngjarje e ndodhi që jo të gjithë i dinë, por i japin akoma më shumë vëmendje festivalit. Bisedat me këngëtaret mbeten ëmbëlsira, pa dyshim. Fakti i ripërjetimit të emocioneve të tyre, detaje ekskluzive, të shtojnë dozën e krenarisë për një tjetër produksion, në listën e gjërave që doja të realizoja e që tashmë edhe e përfunduar me shumë dashuri e sukses. Kam mbetur i surprizuar nga ndjekësit e Kosovës, mesa duket mungesa e shtetit të tyre në festival, shton kuriozitetin ndaj asaj çfarë ofrohet nga Tirana. Përsa i përket të ftuarave, i kam mikesha të treja ndaj bisedat me to kanë dalë aq spontane, plot buzëqeshje dhe sinqeritet.

Ti në programet e para solle shumë informacione rreth festivalit, duke qëndruar i ftohtë ndaj mendimeve personale në ekran, të paktën për përfaqësimet shqiptare. Në gjykimin tënd, pas këtyre viteve përfaqësim, ç’duhet të bëjë më shumë Shqipëria?

Nisur nga eksperienca, të paktën të kishim mësuar nga gabimet. Këtë vit gjërat duken më të menduara, flas për paraqitjen vizuale skenike, për klipin. Mendoj që si një festival që pas tri netëve luhet shumë në platforma muzikore, në shitjet ‘online’, Shqipëria duhet të mendojë më shumë për këngën sesa për një zë që kap tonet e larta gjatë disa sekondave. Është momenti që evropianet të mos thonë vetëm “wow çfarë zëri’ por ta këndojnë e kërcejnë këngën tonë! Le të shpresojme vitet e ardhshme.

Pas “Euro Beat” çfarë do të vijë? Ndonjë projekt i ri?

Fundi i “Euro Beat” përkon edhe me afrimin e fundit të sezonit televiziv. Eshtë koha për të menduar rreth ideve të reja, disa prej tyre janë në mendje edhe në letër. Une e ndjej çdo ditë e me shumë dashamirësinë e stafit të “IN” ndaj gjërave të reja, jam i bindur që siç na bashkoi vala e energjisë së “Eurovizionit”, do të ketë sërish një tjetër bashkim energjie. Vijoj punën e përditshme. Shtatori vjen shumë shpejt.

Fotografia: Arjola Buzi

Veshja e kopertinës : Senco Unico Albania

RevistaWho.com

lexo më shumë

FOTOT/ Këngëtari shqiptar nis turin në Amerikë, merr me vete dashurinë

18386503_10209212808900600_1532885434_n

Ai ka nisur një tur koncertesh në Amerikën e largët, për të kënaqur të gjithë shqiptarët që jetojnë atje e kanë mall për këngët tona. Por nuk ka shkruar i vetëm. Ka marrë me vete edhe gjsymën e tij më të mirë, duke e kthyer udhëtimin për punë në një shëtitje të gjatë e të bukur. Këngëtari Gena, shumë i dashur për shqiptarët, shihet teksa pozon me partneren e tij në rrugët e Los Angeles, kokë e këmbë i dashuruar./ revistawho.com

lexo më shumë

10 mënyra që të mos bëhesh “dele” si të tjerët – Nga Olti Curri

18302491_10209173637001327_2059801726_n

1 – Fakti që pi qumësht dhe bar nuk do të thotë se je dele dhe duhet të pranosh të të trajtojnë si dele.

2 – Baba dhe nënë ke ato që të kanë bërë kokën dhe jo ata që jeta t’i sjell përballë si: mësues, pedagog, shef, drejtor, kryetar partie apo vjehërr. Ata kanë vendin e tyre, mos i konsidero si babë e nenë ose barinj se do të të trajtojnë si dele.

3 – Le të shkojnë të gjithë në kope pas fyellit të bariut, dëgjo edhe melodi të tjera. Mos dëgjo vetëm muzikë analfabete me ora floriri njomur me shampanjë, dëgjo edhe tinguj të vërtetë, përndryshe je dele e pashpresë.

4 – Le të sulen delet e tjera nëpër dyqane për funde e pantallona lëkure fallco që vijnë era djersë autobusi, ti krijo stilin tënd. Përndryshe je dele, madje dele jo me lëkure, por me inkelit.

5 – Mos i ndërprit shokët dhe shoqet apo kolegët teksa flasin për Ferrari, Dubai, apo Rolex-a ndërkohë që kanë në dispozicion vetëm tre palë brekë për tridhjetë ditë të muajit. Ata vdesin të duken dele, ndërkohë që janë shqerra ëndrrimtare.

6 – Mos u ndill nga vitrinat e dyqaneve ku pronaret rrinë me gjak të ngrirë nëse dashnori i radhës do t’ua paguajë qeranë apo jo, ndërkohë që dalin në talk-shoë dhe japin mend për asgjënë. Ato janë baresha në tentativë, për dele si ju.

7 – Le të mbushen muret e Facebook-ut me fëmijë fashionista, ata janë shqerra që nuk do bëhen kurrë askushi. Nëse ju doni që fëmijët tuaj të jenë sipërfaqësore, të mos kenë një foto me top në duar dhe gjunjë të vrarë nga loja, nëse ju dëshironi që fëmijët tuaj të jenë ashtu pa fëmijëri, vazhdoni hani bar dhe tundni bishtin.

8 – Nëse treni i famës ju ka kaluar pa u ngjitur në të, mos i torturoni pjellat tuaja që të bëjnë sikur këndojnë, aktrojnë apo kërcejnë. Thjesht talenti lind, edhe aty ku nuk kanë as bukë të hanë. Një talent i sajuar është gaz i botës. Mos lejoni që me blegërimat e çjerra të fëmijëve tuaj të qeshë dyanjaja. Lërini fëmijët të lirë të zgjedhin atë që duan, fëmijëria juaj iku si iku.

9 – Mos lejo të të mbushin mendjen që je dele, duke të të bindur që je dele e kanë shumë më të lehtë që të bëhen barinjtë e tu dhe me qumështin tënd të vënë pasuri për vete.

10 – Sa herë të kanë thënë: bli, shit, fli, zgjohu, lidhu, zgjidhu, martohu, ndahu, servilosu, shtiru, ulërij, hesht…si gjithë dynjaja. Ata që të kanë folur kështu të kanë bërë të zezën, se janë ata që të kanë varur këmborën që ta tundësh si një dele shembullore, pa jetuar për veten tënde, ashtu siç të pëlqen ty qoftë edhe një ditë. Je një dele, një dele e shëmtuar dhe fallco, se delet e vërteta janë të bukura plot gjallëri… / revistawho.com

lexo më shumë

Ardi Asllani: “My Albania”, koleksioni i Shqipërisë së mrekullueshme

kop1a

Nga RevistaWho.Com / Fotot e Ardi Asllanit: Fadil Berisha / Fotot e Adrola Dushit: Bashkim Hasani

Një hartë e Tiranës në vitet 1930, perëndimi i Durrësit, Pllazha e vjetër në Ulqin, Shtëpia e Lidhjes në Prizren, a muzgu i Butrintit, janë bërë pjesë e koleksionit më të fundit të stilistit Ardi Asllani. “My Albania” e tij përfshin ngjyra, vende, kohë, dritare, kanata, histori e trashëgimi që ndërthurur mes tekstilit e linjave të modeles Adrola Dushi, vijnë në këtë set fotosh si i pari hap i një udhëtimi të gjatë. Stilisti synon që nismën e tij, ta shtrijë më gjerë, jo vetëm në fustane, por edhe në rroba casual, që të bartim me vete kalatë, ujëvarat, kullat, a urat që karakterizojnë qytetet tona.

          

NISMA

Ardi ndihet i kënaqur që me krijimin e këtij koleskioni, iu dha mundësia të ikë nga realizimi i veshjeve me porosi; porosi për kostumografi shfaqjesh, kostumografi për spektakle a veshje për klientë. “I dhashë vetes sime një hapësirë, për të krijuar në një dimension që duhej të ishte dimensioni i punës së përditshme. Krijimi nga zero, krijimi nga fleta e bardhë me laps karboni, për të mbërritur deri te realizimi final”, – thotë ai për revistawho.com.

Mes nostalgjisë së prekjes së copave, e kënaqësisë për një koleksion të ri, Ardi e nisi projektimin që nga skica, tek përpunimi grafik, mandej te përpunimi i tesktilit, prodhimi i tekstilit sipas përpunimit grafik, printimi e deri në çastin e fundëm, kur gjithë ç’kishte menduar tanimë përvijohej sipas linjave të modeles.

E kisha në mendje çdo gjë mbi veshjen”, – thotë ai, – “e dija se ku do të vendosej kulla e Sahatit, ku do ishte Mësonjëtorja e parë Shqipe, apo Pllazha e vjetër në Ulqin”.

FOLEJA E “MY ALBANIA”

Ardi thotë seMy Albania” është një titull që është përdorur shumë herë. “Nuk jam unë i pari që e bëj, por ky titull është më gjithëpërfshirësi, ndaj nuk e quaj një zbulim të jashtëzakonshëm. Është përdorur dikur nga Ministria e Kulturës për promovimin e vlerave turistike e ky koleksion është në një farë mënyre, promovim i vlerave shqiptare, por në një formë tjetër”.

Duke i ikur krijimit të një koleksioni “folklorik” me tipare e nota folklorike, çka e kish stërpërdorur që prej ’97-ës, në fillim ai pati një ide më origjinale. Dëshironte ta ndërtonte koleksionin duke përdorur piktura të artistëve shqiptarë mbi këto qytete. Pati menduar t’i ploteronte mbi tekstil ato peisazhe për të krijuar veshjet e koleksionit. Po, u bë e pamundur.

Në kontaktin e parë që pata me njërin prej artistëve që t’i merrja të drejtën e autorit, t’u them të drejtën, nuk u tregua aq bujar dhe mbërrita në një pikë sa isha gati të hiqja dorë. Duke pasur probleme me të gjallët, mora parasysh se çfarë do të ndodhte me fëmijët e atyre artistëve që nuk jetojnë më për t’u marrë të drejtën e autorit”.

Për shkak të këtij problemi, për një farë kohe ai hoqi dorë fare nga realizimi i koleksionit.

Qe një shuplakë shumë e fortë edhe pse e kisha marrë me shumë entuziasëm”.

Vetëm tri javë para se do të bëhej sfilata në New York, në muajin mars, pati një Eureka! Vendosi të përdorë fotografi të qyteteve shqiptare, të cilat më pas i punoi grafikisht. Që në provën e parë, me grafikdizajnin, u duk se qenë në rrugë të mbarë.

“Atë natë, erdha në shtëpi shumë i frymëzuar dhe nisa të skicoj, duke krijuar të nesërmen, fustanin e Beratit”, – kujton Ardi.

Tanimë, ai ka krijuar diçka të tijën, që e ka regjistruar. “’My Albania’ tani është regjistruar; imazhet e arkitekturës shqiptare mbi kostumografi mund të përdoren vetëm nga unë, sepse e kam regjistruar në zyrën e patentave. Ky do të jetë fillimi, i një gjëje që mendoj ta zhvilloj më gjatë”.

Duket se e ka që tani në mendje si imazh, kur thotë se ku ka më bukur se sa në një çantë e jotja mbi të cilën shihet një rikonceptim i kalasë së Gjirokastrës, por jo siç është tani kalaja – i ka ruajtur linjat, dritëhijen, por nuk është imazhi i kartolinave të viteve 1980, apo ai i jastëkëve të zbukurimit në odat gjirokastrite. Është e rikonceptuar dhe është ndryshe.

KU TA GJEJMË “MY ALBANIAN”? 

Pas sfilatës në New York, Ardi do e ndjente suksesin gjatë setit fotografik.

Ishim nëpër rrugët e New Yorkut kur po bënim foto me modelen shqiptare Adrola Dushi, me fotografin Bashkim Hasani. Njerëzit ndalonin nëpër rrugë dhe pyesnin, ‘ku mund t’i gjejmë këto veshje dhe çfarë përfaqësojnë ato veshje’. Kur i shpjegoje se në këtë veshje është një qytet, ata reagonin shumë mirë, futeshin dhe kërkonin imazhe të qytetit”.

Në mesin e kalimtarëve, Asllani veçon një çift që interesohej për veshjen me imazhin e Durrësit. “Donin të dinin ku mund ta gjenin ‘online’ këtë veshje”.

Qyteti me port, sipas stilistit është një prej atyre vendeve që dhuron perëndimin më të bukur të botës, madje e krahason me Santorini-n.

Nga të gjitha qytetet kam marrë veçantitë e tyre. Për Durrësin, mora perëndimin. Më besoni, kam bredhur gjithë botën për pushime, e gjithandej thonë ‘se perëndim më të bukur se ky që shihni këtu nuk ka’, por ju garantoj se perëndim më të bukur se sa ai që ka Durrësi, nuk e ka as jugu ynë. Në jug, dielli fshihet pas maleve, ndërsa në Durrës, ai bie thikë mbi det. Është ndër të rrallat vende që si në Santorini, në Durrës, dielli bie thikë mbi det. Shumë i bukur”. Pas të kuqerremtes së qytetit bregdetar, ai veçon natën e Butrintit, të cilën e ka përzgjedhur mes shumë netëve magjike, prej kujtimeve që ruan nga festivalet që ka ndjekur atje, e nga koncertet në teatrin e tij. “Yjësia e atij vendi, gati-gati është e shenjtë. Krijon një lloj magjie dhe veshja me Butrintitn ashtu është krijuar, me një muzg, në Butrint”.

BARDHEZIA E TIRANËS

Fustani i Tiranës, është mbase ndër më të bukurit. Një linjat e Adrolës, vëren rrugica, rrugina, lagje, Kullën e Sahatit. Në bardhezinë e një harte të 1930-ës, shtrihet e përgjumur historia.

Jo pa qëllim. Sepse me Tiranën abuzohet si një qytet pa histori, por që në fakt Tirana e ka një hisotri të veten e një fizionomi të veten. Përdora një hartë të vitit 1930, në të cilën shkruhet frëngjisht. Ishte koha kur sapo kishte nisur të krijohej qendra e Tiranës, kompleksi i ministrive, e prapë, ndarjet ishin të qarta, ishte lagjja e Tabakëve, Tirana e Re”. Ndërsa qyteti përvijonte fizionimë që do ruante deri në ‘90-ën pa kullat e kohëve të fundit, Ardi, si tiranas i vjetër, e ndërtoi fustanin me këtë logjikë, “kemi një histori e padyshim, Tirana jonë është shumë e ngjashme me gjithë qytetet e tjera që prej formimit e deri sot”.

Kështu erdhi edhe fustani i Beratit, ku u përdorën fluturat një mbi një, për të dhënë idenë e një mbi një dritareve. Nga dhjetë qytetet e përfshira, dy janë qytetet jashtë Shqipërisë: Prizreni dhe Ulqini. Nga Ulqini ku qielli ka marrë vanilje, është Pllazha e një pjesë e kalasë; nga Prizreni është Shtëpia e Lidhjes, ura kryesore e hamami.

VESHJET PËR ERMONELËN

Ideja e këtij koleksioni do rigjejë skena jashtë vendit. “Kemi biseduar me Ermonela Jahon dhe kemi vendosur që në koncertet vetjake nëpër botë, në çdo dalje, ajo do të ketë të veshur ‘nga një qytet shqiptar’. Është një formë promovimi – Ermonela gjithmonë e ka dashur, ndërsa unë jam gjithmonë partizan i kësaj”, – thotë Ardi Asllani, stilisti që është gjithnjë në kërkim të së bukurës… / revistawho.com

lexo më shumë

Mëngjesi sportiv i Majlinda Bregut, fotografohet duke…

18280124_830729180416087_735592305_n

Deputetja Majlinda Bregu, është kapur mat nga paparazzi i “RevistaWho.Com” rreth orës 8 e 20 minuta teksa futej në palestrën “KineticFitness” të ish-kampiones Klodiana Shala, edhe kjo e fundit pjesë e strukturave të PD. Bregu ka qenë në qendër të vëmendjes këto ditë për shkak të zhvillimeve në PD dhe mbetet të themi se është për t’u admiruar dispilina për të gjetur kohë në mëngjes edhe për pak fizkulturë. Majlinda Bregu është sot një nga zonjat më sharmante të Parlamentit, sepse siç duket veç kujdesit në përzgjedhjen e look-ut, ajo i kushton jo pak vëmendje edhe formave fizike. / revistawho.com

lexo më shumë
1 2 3 6
Page 1 of 6