close

Ditari i Arminës

Ditari / Arratisja e ëmbël e Arminës (FOTO)

13589103_10208594102284475_58478594_o-1080×767

Duke qenë se kam vendosur të postoj udhëtimet dhe ditë të veçanta të miat në ditarin tim, sigurisht, jo vetëm me foto profesionale, po e nis me këtë fundjavë në Malin e Zi. Tirana këto ditë është shumë e nxehtë dhe për këtë arsye, bashkë me Zenin, partnerin tim, vendosëm të bënim një arratisje të ëmbël më plazhin e Budvës. Plazhi ishte i mrekullueshëm dhe shumë i qetë si për ditë të shtunë. Në det kam shkrepur këto foto me rrobat e banjës me dizajnin tim të preferuar për këtë verë #dgbananaleaf, dhe në darkën e parë vendosa të vesh fustanin e Diane Von Furstenberg, i cili ndodhet edhe në dyqanin tim “Delirium”. Më pëlqen shumë ky fustan, pasi më bën të ndihem shumë lozonjare.

Ditën e dytë nuk kishim në plan të qëndronim, për shkak të angazhimeve të së hënës, megjithatë, vendosëm të flinim edhe të dielën, në mënyrë që ta shijonim plotësisht atë. Pas një dite të gjatë në plazh, sërish shijuam një darkë së bashku. Nuk e di përse, por darkat buzë detit më duken më romantiket nga të gjitha. Pas darkës, unë u përhumba në një bibliotekë të restorantit, me libra historikë, të cilët më pëlqen shumë t’i koleksionoj.

 

lexo më shumë

Armina rrëfen udhëtimin e parë në New York 

armina 7

Ky ishte udhëtimi im i parë në Nju Jork. Ndonëse kisha kohë që prisja me padurim të shkoja, prita ta bëja këtë në çastin e duhur. Kur mendoja për Nju Jorkun, krahas gradaçelave, taksive, historisë dhe “wall-street”-it, sigurisht që e lidhja edhe me modën si një fushë timen të parapëlqyer. Ajo që ky qytet më tejçonte si ndjesi ishin artistët e shumtë, sidomos ata të viteve `80-`90. Rokstarë në hotele të vjetër, me bluza të bardha, syze të errëta dhe xhaketa lëkure, modelet e pavdekshme të viteve `90-të me fotot e tyre bardhë e zi nëpër lagjet e Manhatanit dhe natyrisht, frymëzim mbeten gjithmonë edhe filmat e Hollivudit, shumë prej të cilëve janë xhiruar në këtë qytet. Frymëzimi për këtë shërbim fotografik ishin pikërisht këto momente të mbledhura së bashku dhe kthimi në vitet `90, me disa foto bardhë e zi. Së bashku me Eugenion (fotografin), zgjodhëm një lagje ala “Old Manhattan”, foto bardhë e zi dhe një veshje timen që të kthen në kohë, një shkrirje mes gotikes dhe modernes. E adhurova këtë kombinim që më erdhi shumë spontan dhe mendoj se i përshtatet shumë Nju Jorkut dhe “fabulës” së shërbimit fotografik. Shpesh, gjatë setit e quaja veten “Dracula”, sepse këto mëngë, shalli, xhaketa e Judy R Clark dhe syzet Gucci më sjellin ndër mend pikërisht filmin “Dracula”, kur ai ecte në rrugët plot njerëz në vitet 800 dhe sigurisht stilin gotik të kombinuar me një “little black dress”, të kadifenjtë dhe seksi të Zara dhe një palë Louboutin So Kate, që marrin tjetër kuptim dhe bëhen edhe më “fashion” dhe të përdorshme edhe në rrugë.

lexo më shumë

Armina Mevlani, për një ‘party look’

2

Gjithmonë kam qenë e dashuruar me veshjet “Vintage” pasi më duket sikur më shërbejnë si një makinë kohe dhe kur i vesh ndihem pikërisht sikur po jetoj ato vite. Mendoj se kjo gjë është e lidhur edhe me dashurinë për modën, pasi vetë moda është një “rikthim” përgjatë gjithë kohës. Më pëlqen që për festa të mos jem shumë e parashikueshme, ndaj mundohem të bëj kombinime sa më të veçanta dhe jo thjesht një fustan klasik, sidomos nëse bëhet fjalë për natën e ndërrimit të viteve. Kjo është një veshje ala “disco `80s” e kombinuar nga unë me një bluzë vintage me xixa e mamasë sime që e vishte në vitet `90, dhe me një fund Zara me shumë xixa enkas për festa dhe për ta thyer, i kam kombinuar këto sandale pink që sërish si model i përshtaten viteve `80 për nga taka dhe platforma. Normale që nëse bëhet fjalë për një look “disco” duhen flokë me sa më shumë volum dhe një makeup i veçantë. Mos harroni edhe ju të luani me veshjet tuaja duke bërë kombinime të tilla, bëhuni të guximshëm në kombinimet tuaja, fundja: “Fashion is just about that”. Happy New Year 2016 ya all!

5 3

lexo më shumë

Ditari i Arminës: Çfarë të vishni për festat

DSC0443

Keep it classy
Në këtë postim zgjodha t’ju jap disa ide për darkën e Krishtlindjes. Veshja e parë është klasike dhe për të realizuar një veshje të tillë mjafton një fustan i bukur klasik mbi gju (jo shumë i shkurtër). Perfekte do të ishte nëse do të ishte në ngjyrë të kuqe duke qenë se është ngjyra përfaqësuese e Krishtlindjes. Unë në këtë postim kam zgjedhur që këtë veshje ta thyej me këpucë në ngjyrë të bruztë për të mos u bërë një veshje e parashikueshme (pra, jo me këpucë të zeza). Zgjidhni disa aksesorë shumë finë dhe të vegjël.

DSC0452 DSC0473 DSC0482

Glitter
Nuk është e thënë që xixat të jenë vetëm për mbrëmjen e Vitit të Ri. Ato mund të përdoren edhe për Krishtlindje nëse i kombinoni siç duhet. Unë kam zgjedhur këtë fund me xixa Michael Kors dhe e kam thyer me një pulovër Dolce Gabbana të qëndisur me figura sipër, që duken sikur janë bërë enkas për dimrin dhe natën e Krishtlindjes. Edhe ju mund të zgjidhni një pulovër me qëndisje figurash sipër ose edhe të thjeshtë jeshile, të kuqe, apo gri dhe ta kombinoni me një fund me xixa. Mos harroni që fjongot janë simbol i festave; në veshjen e parë e kisha një fjongo te fustani, por në këtë rast kam zgjedhur ta kem te takat. Nëse ju vendosni të përdorni fjongot, mund të vendosni një kordele të bukur edhe në flokë.
Çantat e dorës të Lulu Guinnes janë të përsosura për festat.

1 DSC0540 DSC0559

Oversize Sweaters
Në shumë postime të miat besoj se e keni kuptuar që pulovrat e mëdha më pëlqejnë shumë. Për Krishtlindje është rasti perfekt nëse do të organizoni një darkë në shtëpi. Jam e sigurt që do dukeni me stil por edhe mjaft “cozy”. Këto pulovra mund të shkojnë shumë mirë me një fund të ngushtë ose edhe me xhinse. Mos harroni që makijazhi për këtë natë duhet të jetë disi më i veçantë, me buzëkuq të kuq dhe nëse dëshironi mund të përdorni edhe pak shkëlqim te sytë.

DSC0577 DSC0616 DSC0618

Rock Christmas
Veshja ndonjëherë varet nga stili personal, tipi juaj, por edhe se si ndiheni, prandaj unë kam vendosur që të prek disa stile me këtë postim. Stile që pa dyshim janë edhe ndër të parapëlqyerit e mi. Ky është stili disi “rock” dhe ekstravagant, por edhe seksi nëse dëshironi që këtë natë ta kaloni diku me shoqërinë apo me të dashurin tuaj. Kam zgjedhur këtë fustan vishnje kadife që më pëlqen shumë të American Apparel, të kombinuar me geta Ëolford me dizajn dhe çizme deri te kyçet (le të themi deri diku stil gotik).
Si një ndër festat e mia të preferuara, unë do e kaloj pranë familjes sime dhe njerëzve më të dashur. Ju uroj edhe juve të jeni pranë njerëzve të dashur plot harmoni sepse nuk ka asgjë më të rëndësishme se ata. Gëzuar Krishtlindjet!

DSC0646 DSC0631

lexo më shumë

ARMINA MEVLANI, me look-un e Los Angelos

GEL_6524_OK

Fotot: Geljant Kaleci

Një ndër frymëzimet e mia të kahershme, që ka nisur që kur unë dëgjoja “The Doors”, ka qenë look-u LA (Los Angelos). Sa herë që dëgjoja këto këngë, e imagjinoja veten në një roadtrip, të veshur me një T-shirt të vjetër dhe atë momentin deri diku “historik”, pasi është parë shpesh në filma dhe revista, kur ndalon në një pikë karburanti për të mbushur makinën në një autostradë të përhumbur. Ehhhh imagjinata ime… por gjithmonë, thellë në shpirt, kam menduar se i përkas këtij look-u, andaj edhe pse “roadtripet” e mia kanë qenë kryesisht deri tani në Shqipëri apo Evropë, ky lloj look-u “rock” ka qenë stili im që në adoleshencë. Të gjithë ata që më njohin e dinë mirë këtë gjë.

Duke qenë se ky është një shërbim fotografik, look-u vjen pak më fashion dhe i ekzagjeruar pasi në vend të xhinseve, me këtë T-shirt dhe xhaketën time të preferuar të lëkurës Dsquared2, kam zgjedhur një fund të shkurtër lëkure Zara dhe një palë çizme me lëkurë gjarpri Diane Von Furstenberg, për ta bërë më ekstravagante dhe të veçantë veshjen. Unazat që zakonisht i mbaj gjithmonë në gisht, edhe pse të ngjashme, janë të dy firmave të ndryshme; ajo me sy i përket Delfina Delettrez dhe unaza me buzë ashtu sikurse vathët janë bërë enkas për mua nga një argjendari shumë e njohur dhe më e mira në qytetin tim, “Argjendari Pirro”.

GEL_6718 GEL_6650 GEL_6610

lexo më shumë

ARMINA MEVLANI, për një paraqitje bohemiane

good_IMG_00601

Një look tjetër që zgjodha për javën e modës në Paris është pikërisht look-u bohem dhe romantik. Ai quhet bohem për shkak të notave të romantizmit që përcjell dhe të jep një ide tepër ëndërrimtare. Për të pasur një look sa më bohem, unë më poshtë do të rreshtoj disa detaje:

  1. Fustane me lule, treçerekëshe ose të gjatë; gjithmonë, për këtë look, duhet pasur një fund i gjatë, fustan i gjatë ose treçerekësh, me dizajn ose edhe i thjeshtë, por mjafton që copa të jetë mëndafsh ose thjesht copë e derdhur. Kombinimi mund të bëhet me fustane dhe çizme të gjata, ose edhe me funde të gjata me taka dhe bluza deri diku të gjëra, mjafton që veshjet të mos jenë të puthitura pas trupit.
  2. Xhaketa ose jelek. Unë kam zgjedhur këtë xhaketë të Alexander Mcqueen, e cila është kadife për të bërë pak edhe ndërthurjen e copave; për shembull, xhaketë kadife me fustan mëndafsh për ta bërë look-un sa më bohem dhe për ta kthyer pak në kohë. Nëse ju do keni një fustan, fund , apo edhe pantallona të gjera, një jelek pa mëngë apo një xhaketë klasike është detaj mjaft i rëndësishëm.
  3. Çizme të gjata; unë kam zgjedhur çizme kamoshi të gjata Jimmy Choo, për t’i veshur poshtë fustanit. Edhe këpuca luan rol të rëndësishëm në këtë look dhe sidomos në stinën e vjeshtës dhe të dimrit, look-u bohem është i përsosur pasi lejon t’i shtoni pamjes suaj çizme të tilla, të cilat janë edhe mjaft në modë.
  4. Çantë katrore e vogël. Unë kam zgjedhur çantën Tom Ford të vogël dhe katrore që është shumë prerje vintage për këtë look, por ju mund të zgjidhni disa lloje çantash nëse doni një stil bohem, si për shembull, çanta në formë bauleje ose dhe çanta lecke të mëdha.
  5. Kapele. Flokët me këtë look shkojnë shumë të mëdha dhe me onde natyrale, por më e rëndësishmja është aksesori që vendosni në kokë, që në një rast të tillë është kapela e madhe për t’i dhënë prekjen e fundit një look-u të tillë.

good_IMG_7920 good_IMG_7955

lexo më shumë

ARMINA MEVLANI: BALMAIN LOOK FOR BALMAIN SHOW

armina 222222

Një ndër markat e mia më të preferuara në fushën e modës është Balmain, me luksin dhe elegancën që tejçon në veshjet e veta. Kam adhuruar gjithmonë çdo sfilatë të tyre dhe veshjet i njoh shumë mirë. Kombinimet fantastike të Oliver Rousteing, sidomos në sfilatën e shkuar, veshjet e së cilës ndodhen tani në dyqane dhe na kujtojnë vitet `40 të jazz-it, janë plot thekë dhe dominim ngjyrash. Këtë vit, në sfilatë dominonin modelet ekstravagante, por në ngjyra më të pastra dhe kryesisht nude, e bardhë apo kafe e hapur si për sezonin veror. Unë përzgjodha të vishja një T-shirt Balmain që është ndër të preferuarat e mia, kombinuar me një fund me lëkurë origjinale, larat e të cilit shkojnë më së miri me T-shirt-in që kam veshur dhe për ta bërë sa më “classy”, përzgjodha një palë So-Kate të zeza. Rripi është gjithashtu Balmain, por për ta thyer kam vendosur të mbaj çantën time të preferuar Tom Ford e cila është mjaft praktike, sidomos për sfilata, pasi në të mund të fusësh gati çdo gjë. Sigurisht, në këtë veshje s’mund të mungonin syzet e mia të preferuara për javë mode Celine, pasi janë mjaftueshëm të errëta dhe byzylyku si aksesor i Saint Laurent.

armina 111111

lexo më shumë

MILAN FASHION WEEK STREET STYLE

armina mevlani 2 milano

Tashmë dihet që shtatori është muaji i javës së modës në Nju Jork, Londër, Milano dhe Paris. Këtë muaj unë ndoqa Milanon, nga ku është realizuar edhe ky shërbim fotografik, dhe gjithashtu Parisin, shërbimin fotografik për të cilin do ta postoj pak më vonë. Ky shërbim është bërë pak para sfilatës së Dsquared2, teksa po ecja në rrugët që të çonin për në sfilatë. Kam përzgjedhur deri diku një veshje “transgresive” për t’ju përshtatur sfilitës; me xhaketë lëkure ala “Motorbiker” të Dsqaured2, xhinse shumë të grisura dhe cool të cilat i kam gjetur rreth një vit më parë te Zara dhe sandale ekstravagante nga Giuseppe Zanotti. Për ta thyer pak këtë look dhe për ta bërë më të thjeshtë, poshtë xhaketës kam veshur një body të bardhë të thjeshtë të Wolford, firmë të cilën e adhuroj për komoditetin e saj. Çanta Ysl kombinonte shumë mirë me xhaketën ndaj nuk mund të mungonte, plus që është një ndër çantat e mia më të preferuara, të cilën e kombinoj lehtësisht me çfarë të kem dëshirë. Java e modës në Milano ishte tepër e zhurmshme, njerëz që vraponin për të kapur një taksi, festa kudo, blogeret më të famshme që ecnin me look-un e radhës dhe shumë fotografë që gjurmonin për të kapur look-un më të bukur të javës. Java e modës është pikërisht momenti kur rrugët kthehen në pasarela dhe nuk ka gjë më të bukur për syrin sesa kur sheh këtë konkurrencë spontane veshjesh dhe gjithashtu kur ndjek krijimet më të reja të markave botërore më të njohura.

armina 1 milano

 

lexo më shumë

Fashion is a time machine

armi

[metaslider id=354]

Fotot: Geljant Kaleci

Shpesh, më pëlqen të kthehem pas në kohë e të shoh filma të vjetër, të shoh sesi ka evoluar moda e dikurshme. Kur lexoj letërsi klasike, më duket sikur kthehem në kohën përkatëse dhe imagjinoj detajet; te këto detaje hyn edhe veshja. Duke qenë e apasionuar pas “gërmimit” për detaje si aksesorët, veshjet, modelet e flokëve ose “make-up”-i i kohëve të ndryshme, në revistën ku punoja shpesh bëja shkrime për to, madje kjo ishte pjesa ime e preferuar, ajo që nuk e quaja më punë, por pasion. Më pëlqente shumë të kthehesha pas në kohë, në vitet kur u krijuan fustanet e para, më pas të studioja se si evoluan ato dhe si janë sot në pasarela. Kjo pjesë më magjeps, pasi në thelb, moda përveçse është art, mbart histori, të kthen në kohë dhe të fut në imagjinata të thella, që më pas do të kthehen në një forcë të pashtershme krijuese, ashtu siç ndodhi edhe me mua. Ky kreativitet më bëri të punoja me pasion ndër vite, në një revistë mode, por edhe të bëja këtë blog sot, ndaj çdo kombinim që unë bëj, përmban diçka më shumë sesa thjesht modë ose dëshirë për t’u dukur bukur; për mua çdo detaj ka një domethënie të veçantë dhe më kthen diku në kohë, në një kujtim timin. Shpesh, ju do të ndesheni me frymëzime në veshjet e mia, frymëzime nga kohë të shkuara, ndoshta edhe mjaft të hershme. Në këtë shërbim fotografik, të realizuar me shumë pasion, kthehemi në fundin e viteve ‘60 ose fillimin e viteve ‘70. Ky fund Versace më kujton pikërisht vitet kur filluan të mbizotëronin për herë të parë ngjyrat, madje edhe vrimat që ky fund ka, tregojnë kthimin në stilin e viteve ‘70. Ky fund shkon shumë me një këmishë nga Michael Kors, të mbyllur deri në fund dhe më pas më shumë aksesorë (pjesa ime e preferuar). Më pëlqen shumë të luaj me detajet dhe kjo është pjesa më e bukur, pasi gjej aksesorë që i përshtaten shumë këtij stili, derisa më në fund i bëj bashkë, si p.sh. këto syze që kanë dalë vitin e shkuar nga Gucci dhe janë tipike të viteve ‘70, vëthët e rrumbullakët sërish Versace dhe këpucët e po këtij stili, të Fendi-t. Në fund, nuk mund të mos mungojnë flokët pak të gufuar, me onde, dhe një buzëkuq Estee Lauder me ngjyrë të fortë që të shkojë me veshjen.

Qershor 2015

lexo më shumë