close

Personazhi në numra

DETAJE DHE FAKTE PËR PERSONAZHET TUAJ TË PREFERUAR

Evi Reçi në numra

Evi Reci

Bukuroshja e hiteve “I ngjan asaj”, “Dhe jemi të dy” lëvron rrymën retro pop dhe është ndër të vetmet që e përfaqëson denjësisht këtë zhanër muzikor. Pasioni i saj janë fotografitë ‘vintage’, e lidhur kjo ngushtësisht edhe me qytetin ku ajo aktualisht banon, Firencen. Përmes numrave do të zbulojmë rrugëtimin e Evi Reçit ndër vite dhe pasionet e saj thuajse të shpërndara në tri shtete: Shqipëri, Greqi e së fundmi në Itali.

0 – janë vëllezërit që Evi ka. Ajo është vajzë e vetme, duke qenë kështu edhe e përkëdhelura e familjes.

5 – janë gjuhët e huaja që këngëtarja simpatike flet. Ajo e ka kaluar fëmijërinë në Greqi dhe aktualisht po jeton në Itali. Të jetuarit në këto dy shtete e ka ndihmuar Evin edhe në përvetësimin e gjuhëve respektive. Gjuhët e tjera që ajo flet janë: shqip, anglisht dhe frëngjisht.

18 – janë vitet që ka jetuar në Athinë. Kujtimet më të bukura të fëmijërisë dhe miqtë më të mirë ajo i lidh me vitet kur ka jetuar në shtetin helen, duke qenë gjithmonë nostalgjike për kohën kur ka jetuar atje.

6 – janë vitet që jeton në Firence, qytet në të cilin ka përfunduar Fakultetin e Gazetarisë dhe të Komunikimit, ku ka punën e saj si gazetare në një radio italiane dhe ku ka zhvilluar sfilatat e saj si modele dhe pasionin e saj për fotot ‘vintage’.

15 – janë shtetet që ka vizituar në botë. Udhëtimet i japin Evit energji dhe pozitivitet. Shtetet kryesore që ajo ka vizituar kanë qenë kryesisht ato europiane, por ajo ka vizituar edhe Kanadanë dhe Rusinë.

8 – janë këngët që ka në karrierën e saj si këngëtare, ku pjesa më e madhe prej tyre janë shndërruar në hite, duke mos harruar edhe shumë këngë të tjera të huaja si ‘cover’. 8 janë edhe vitet e saj të studimit në shkollën e muzikës për piano dhe kanto.

2 – janë fakultetet që bukuroshja shtatlartë ka kryer, njëri për Media dhe Gazetari e tjetri për Komunikim. Të dyja me rezultate të shkëlqyera.

3 – janë profesionet e Evi Reçit: modele, këngëtare dhe gazetare. Ajo thuajse nuk i ndan asnjëherë nga njëri-tjetri, por nëse një ditë do t’i duhej të zgjidhte, prioritet pa diskutim ka kënga.

Infinit – është dëshira për artin e mirëfilltë!

 

lexo më shumë

Anila Çela në numra

unnamed (6)

Moderatoren e dashur të “Vizionit të Pasdites”, programit të pasdites në “Vizion Plus”, do ta njihni këtë herë përmes numrave. Ndonëse ka studiuar për Farmaci, biondja simpatike e pasditeve tuaja rrëfen disa detaje nga jeta e saj, por këtë herë përmes shifrave…

1- Është motra që Anila ka dhe që është një nga njerëzit më të rëndësishëm në jetën e saj. Sipas saj, ajo është njeriu që e njeh Anilën më mirë se kushdo tjetër.

2- Janë dy mikeshat më të ngushta të saj, me të cilat lidhen edhe kujtimet më të bukura të moderatores.

4- Ata janë katër anëtarë në shtëpi. Familja e vogël e saj është shtuar edhe me një pjesëtar të katërt, duke e bërë më të bukur dhe të plotë familjen e tyre.

14- Është dita e ditëlindjes së Enios, djalit të Anilës. Enio është dashuria e saj më e madhe si dhe fillimi i ri për të.

7- Janë emisionet që Anila ka drejtuar. “Koha e Mëngjesit”, “All Music”, “Konak”, “Café Express”, “Dita ime”, “Ora 5” dhe “Vizioni i Pasdites”. Numri 7 është edhe numri i saj i fatit.

10 vite në ekran. Nisi si punë dhe u kthye në pasionin e saj më të madh. Televizioni mbushi vitet më të bukura me emocione dhe vazhdon ta mbajë gjallë moderatoren simpatike.

 

lexo më shumë

Drini Zeqo në numra

drini-zeqo

Moderatori i njohur Drini Zeqo, vjen në këtë numër të “WHO” përmes numrave, që megjithëse duket se nuk kanë lidhje me profesionin që ushtron prej vitesh, atë të gazetarit, janë të lidhura ngushtësisht me studimet e tij të para, të cilat i përfundoi për ekonomik. Djaloshi simpatik, që u shfaq si drejtues i edicionit të pestë të “Dacing With The Stars” në “Vizion Plus” si dhe i spektaklit “Tu Si Que Vales”, na njeh me Drinin përmes shifrave.

7 janë kilometrat që Drini përshkon me vrap çdo mëngjes. Moderatori i njohur u kushton një rëndësi të veçantë ushtrimeve fizike dhe ky është sekreti i dukjes së tij në formë.

13 është numri i shteteve që ka vizituar gazetari simpatik. Jo rrallëherë nëpër intervista, Drini e ka shprehur pasionin e tij për udhëtimet, për të eksploruar vende dhe kultura të reja.

3 janë njerëzit të cilëve ai u beson gjithçka. Tre shokë për kokë, të cilët prej disa vitesh tashmë i konsideron si pjesë të familjes.

18 piktura qëndrojnë të varura në muret e shtëpisë së tij, të cilën e ndan me prindërit.

15 vite të suksesshme në ekran… Drini Zeqo, me një karrierë të gjatë në media, është sot një nga figurat më të dashura të televizionit.

2 janë fakultetet që Drini ka përfunduar. Djaloshi zeshkan, për të gjithë ata që nuk e dinë, ka ndjekur studimet për ekonomi në Gjermani, për t’u kthyer më pas në Shqipëri, ku është diplomuar me rezultate të larta në degën e gazetarisë.

lexo më shumë

Simone Pigliacelli në numra

simone

Atë do ta njihnim vite më parë përmes spektaklit “Dancing With The Stars”, si një nga balerinët profesionistë të spektaklit të yjeve, ndërsa një vit më parë Simone Pigliacelli ishte koreografi i këtij produksioni. Italianin simpatik do ta njihni këtë herë përmes numrave dhe ju sigurojmë që do të mësoni shumë për të, prej përgjigjeve të këndshme që ai ka dhënë.

1: Është lidhja që kam me tim vëlla, Mirkon, i cili është njeriu më i rëndësishëm në jetën time dhe është gjithmonë aty, çfarëdo që të ndodhë. 1-shi është edhe numri në bluzën e tij, pasi Mirkoja është futbollist i Parmës, në rolin e portierit.

10: Është vlera që i vendos jetës sime sentimentale, në një shkallë nga 1-shi te 10-ta, përkrah njeriut që nxjerr anën time më të mirë edhe në situata të komplikuara.

21: Janë vitet që ia kam dedikuar realizimit të ëndrrës sime më të madhe, asaj të të qenit një artist i plotësuar në të gjitha aspektet.

0: Janë herët kur jam tërhequr para pengesave, duke shfaqur anë të karakterit tim, të cilat as vetë nuk besoja se i kisha.

4: Vite kanë kaluar që nga hera e parë që kam ardhur në Shqipëri. Tregon edhe fillimin e një udhëtimi që më ka rritur edhe në nivel personal, në një vend të cilin e konsideroj si një shtëpi të dytë.

∞ (Infinit): Janë herët që do të rimerrja të njëjtat vendime në jetën time, qoftë në të mirë apo në të keq; në këndvështrimin familjar, sentimental, profesional dhe në miqësi.

7: Janë gjërat që dëshiroj akoma nga jeta:
Të blej shtëpi;
Të martohem;
Të vazhdoj punën time;
Të buzëqesh;
Të gaboj;
Të rritem;
Të dashuroj.

lexo më shumë