lefuture

FOTOT/ I riu kërcënon me vetëvrasje mbi vinç: Do hidhem, nuk zbres

i-riu2-433x282

Një person nga Vlora, i quajtur Erjon Selimaj terrorizon kalimtarët në kryeqytet, teksa është ngjitur në një vinç pranë stadiumit “Qemal Stafa” dhe kërcënon me vetëvrasje. Ai ka folur për “Report tv” dhe ka treguar shqetësimet që ka duke akuzuar shtetin se do ta fusë në burg dhe e akuzojnë kot se ka rrahur babanë. “Qëllimi im ishte ta bëja publike që Dritan Leli më ka lënë rrugëve. Leli ka bërë telefonata që mua të më fusin në burg. Unë nuk zbres sot që këtu”, tha ai. Në vendngjarje janë forcat e Policisë së Tiranës dhe zjarrëfikësja si dhe është bllokuar rruga që të çon në këtë zonë. I riu ka veshur pantallona xhinse dhe kanatiere. Erion Selimi është një prej të rinjve që ka përjetuar shumë drama në jetën e tij. Ai është braktisur në jetimore kur ishte ende fëmijë, ndërsa kur u rrit dhe u nxor jashtë nga jetimorja askush nuk e punësonte. Për të siguruar bukën e gojës në disa raste detyrohej të vidhte ushqime dhe për këtë arsye është arrestuar 4 herë. Disa vite më parë Erioni arriti të gjente të ëmën dhe të atin. E ëma i kërkoi mos të bezdisej pasi kishte krijuar familje të re, ndërsa i ati jeton në fshatin Picar në një godinë të braktisur, vuan me sëmundje mendore dhe jeton në kushte të mjerueshme. Në fshat ai mësoi së një vëlla ia kanë vrarë në vitin 1997, ndërsa motra është rrëmbyer dhe zhdukur vite më pas, arsye këto që kanë çuar dhe të atin në këtë gjendje të rënduar psikologjike. Sipas Erionit gjendja e të atit, Guriut, është rënduar shumë, dhe kushtet që ai jeton janë jashtë çdo lloj imagjinate. Vetë Guriu, edhe pse i sëmurë, arrin të tregojë dramën me të cilën është përballur në jetën e tij dhe kushtet e vështira në të cilën jeton. Për t’u ushqyer ai jeton me lëmoshë, ndërsa e vetmja pasuri e tij janë dy fotografitë e marra nga varret e djalit dhe të së ëmës së tij. Erioni, i cili aktualisht po jeton në konviktin e shkollës Industriale, apelon për ndihmë si për kujdesin shëndetësor të të atit dhe mbështetje ekonomike me qëllim që të jetojë me të.

12805992_920335698080873_4795113674708740404_n

14124449_1037885579659217_7407320772625932809_o

Login

Welcome! Login in to your account

Remember me Lost your password?

Lost Password