“Dua të të bëj të lumtur” është programi televiziv në të cilin Arbana Osmani dhuroi shumë punë e dashuri sezonin e kaluar, e me të njëjtën energji shihet se po punon edhe këtë sezon. Tashmë stafi i këtij spektakli me në krye moderatoren e bashkëautorin Eraldo Rexho, kanë nisur nga puna për të “bërë shqiptarët të lumtur”. Teksa nuk dimë ende asgjë për historitë që na rezervon spektakli, njërën e tyre e pamë që sot, pa e ndezur fare televizorin. Arbana ka bërë të lumtur babanë e saj, me një gjest fare të thjeshtë, duke u kthyer në vendlindjen e tij. “Rikthim në Maqellarë për herë të parë pas 19 viteve për të bërë babanë tim të lumtur”, shkruan prezantuesja e “Top Channel” ndanë një prej pozave të saj më të bukura. Dhe po, ata duken, janë të lumtur!/ revistawho.com