Balina Bodinaku flet për lidhjen me Andi Bushatin: Shakaja që më bëri kur u njohëm, ja si ia ktheva pas disa vitesh


Gazetarja e njohur dhe prezantuesja Balina Bodinaku është rikthyer në ekran pas disa kohësh për të rrëfyer detaje interesante të jetës së saj private dhe asaj profesionale. Në një intervistë për emisionin ‘Tek unë’ me Arjola Shehun ajo është shprehur se i është larguar televizionit, por jo profesionit të saj, e gjithsesi mendon se ky largim nuk është i përhershëm, pasi në një të ardhme mund të rikthehet përsëri. Balina gjithashtu ka treguar si nisi karriera e saj në fushën e gazetarisë. “Shkrimet e para ishin për gazetën ‘Sporti Popullor’, fillova të shkruaj për qejfin tim gjëra për sportin, futbollin dhe një ditë shkoj me iniciativën time tek Bashkim Tufa, me të cilin shkëmbyem një bisedë dhe atij iu duk e çuditshme sesi një vajzë e vogël mund të ishte aq e interesuar për futbollin. Ai më botoi shkrimet dhe një ditë më ofroi të merrja para për shkrimet që kisha bërë e do bëja në vazhdim. Aty kuptova për herë të parë që kjo është një gjë që më jep edhe para. Kjo ishte eksperienca ime e parë, që pasoi me një tjetër në TVSH”- ka rrëfyer Balina. Po ashtu moderatorja e ka pyetur si ka nisur lidhja e saj me gazetarin Andi Bushati. “Ishte çdo gjë rastësore” tregon Balina, e cila shton se ende edhe sot janë të habitur sesi rrodhën gjërat. “Me Andin njihesha shumë vite përpara për shkak të profesioneve tona, por çdo gjë filloi në vitin 2008 ku më vjen një mesazh nga një numër i panjohur, i cili shkruante: Ky ishte fustani që bleve sot? Në fakt u habita sepse vërtetë isha futur në një dyqan atë ditë, por gjithsesi nuk i ktheva përgjigje. U kuriozova shumë dhe më vonë ai numër më mori në telefon. Aty zbulova që ishte Andi dhe iu betova se një ditë do ia ktheja këtë shaka. Dy vite më vonë teksa dëgjoja Opinion, isha unë që i çova Andit sms dhe sigurisht nuk mora përgjigje. Të nersërmen e mora në telefon për t’i treguar se ia kisha kthyer shakanë e disa viteve më parë dhe ai u habit”. Për më tepër ndiqni rrëfimin e plotë të Balinës në linkun e mëposhtëm:

Login

Welcome! Login in to your account

Remember me Lost your password?

Lost Password