close
Breaking NewsLajme

AKSIDENTI ME 4 VIKTIMA/ Deputeti socialist kritika Policisë Rrugore: Shtoni kontrollet në “rrugët e vdekjes”

screenshot_2016-10-13-08-29-06-3

Ndërsa ende nuk ka një raport zyrtar nga policia mbi gjithë shkaqet që çuan në aksidentin tragjik të ditës së sotme në Sukth të Durrësit, kanë ardhur edhe kritikat e para. Eshtë deputeti socialist, Ervin Bushati i cili përmes një statusi në facebook thotë se pjesa më e madhe e aksidenteve ndodhin në akset Tiranë-Durrës dhe Fushë Krujë-Lezhë, ndaj në këto rruge duhen shtuar kontrollet, shkruan “Opinion”. Aksidenti tragjik me 4 viktima, 3 vajza dhe 1 djalë ndodhi rreth orës 04:15 në autostradë, pranë fshatit Sukth. Nga të dhënat e para, bëhet fjalë për një gabim fatal të drejtuesit të mjetit Dashnor Deliallisi i cili po lëvizte në sens të kundër, duke u përplasur fatalisht me Benz-in ku  udhëtonin 3 vajza. Nga fotot e video shihet se ka munguar edhe ndriçimi në autostradë.

Statusi i plotë i Bushatit

Kohët e fundit janë ashpërsuar dukshëm masat ndëshkuese për mosrespektimin e rregullave të qarkullimit rrugor, por kjo nuk mjafton në qoftë se nuk i respektojmë me përpikmëri këto rregulla, te cilat mund të kenë pasoja të rënda për jetën tonë.

Sipas UN Statistics 50% e aksidenteve në botë, ndodhin ne 10% të akseve rrugore.

Është e arsyeshme të përqendrohen më shumë kontrolle policore ne autostradën Tiranë-Durrës dhe aksin Tiranë-Lezhë, pasi këto janë rrugët më të përgjakura të vendit.

Aksidentet në trafikun rrugor janë një nga tetë shkaqet e vdekjeve në nivel global, dhe shkaku kryesor i vdekjes për të rinjtë. Të ndërgjegjësohemi të gjithë bashke për të pasur një jetë më të sigurt, sepse siguria rrugore fillon nga ne!

Tags : aksidentideputetireagimsocialist
loading...