Ai e ka nisur karrierën si shumë artistë të tjerë të brezit të tij me këngët e liqenit dhe sot një vit pas ndarjes nga jeta “rikthehet” sërish aty. Familjar dhe të afërm kanë vendosur t’ja kushtojnë të gjithë ditën e sotme aktiviteteve që do të mbahen në përkujtim të Françesk Radit.
Ka qenë mbesa e tij, këngëtarja Rozana Radi e cila nëpërmjet videove të publikuara në “Instagram” ka treguar përurimin që ju bë bustit të të ndjerit tek Liqeni nga kryetari i bashkisë së Tiranes Erion Veliaj.
“Pate një jetë të trazuar Franko! 1 vit pa ty si një jetë! Sot ti erdhe pikërisht aty ku e nise, me kitarën tënde përballë Amfiteatrit të Tiranës, afër gjelbërimit që aq shumë e doje. Mbollëm një pemë të cilës i dhamë emrin tënd. Sot ne vazhdojmë rrugëtimin e ëndrrës tënde që edhe pse e prerë tingëlloj gjatë. Kush e njohu Frankon e deshi, kush e deshi qau, e kush qau nuk i tha dot lamtumir, por thjesht mirupafshim Mik. Mirupafshim Franko! Do takohemi një ditë”.- ka shkruar Rozana bashkangjitur fotove dhe videove shkëputur nga ai moment.
Rreth orës 5 pasdite në Kinema Millenium do të transmetohet një dokumentar i titulluar “Jetë e Trazuar’ krijuar në nder të tij.\revistawho.com
